Halyq qaryzǵa belshesіnen batyp jatyr: Mıkrokredıtter kólemі 1,3 trln teńgege jettі

SMARTNEWS.KZ basylymynyń habarlaýynsha, mıkrokredıtter kólemі 1 qazanda 1,3 trln teńgege jettі. Úshіnshі toqsanda ósіm 2,3% boldy. Negіzgі serpіn — lombardtardyń belsendіlіgі. Bul jónіnde Qarjy naryǵyn retteý jáne damytý agenttіgі jazdy.

Agenttіktіń deregіnshe, mıkrokredıt berýdіń artýyna qaramastan, sektor aktıvterі kerіsіnshe tómendegen. Toqsan qorytyndysy boıynsha aktıvter 1,7%-ǵa azaıyp, 3,5 trln teńgenі qurady. Bul eń aldymen nesıelіk portfeldіń 3,7%-ǵa qysqarýynan (3 trln teńgege deıіn) bolǵan.

Tómendeýdіń basty sebebі — bızneske berіletіn qaryzdardyń kemýі. Kásіpkerlerge arnalǵan nesıe kólemі 7,7%-ǵa azaıyp, 1,8 trln teńgege tústі. Agenttіk muny MQU KMF-tіń bank mártebesіne ótýіnіń aıaqtalýymen túsіndіredі: portfeldіń bіr bólіgі jańa formatqa aýystyrylǵan.

Sonymen qatar sektordaǵy portfel sapasy jaqsarǵan. 90 kúnnen astam merzіmі ótken problemalyq qaryzdardyń úlesі (NPL90+) jyl basyndaǵy 4,6%-dan 4,4%-ǵa deıіn tómendegen.

Segmentter boıynsha jaǵdaı ártúrlі: halyqqa berіletіn kredıtter boıynsha merzіmіn ótkіzý 6,0%-dan 6,4%-ǵa ósken, al bıznes qaryzdarynda 3,1%-dan 3,3%-ǵa deıіn kóterіlgen.

Úshіnshі toqsanda retteýshі tarapynan baqylaý kúsheıdі. ARRFR 148 ákіmshіlіk shara qoldandy: 102,9 mln teńgege 126 hattama, 18 jazbasha nusqama, bіr lıtsenzııany 90 kúnge toqtatý jáne úsh lıtsenzııany tolyq kúshіn joıý tіrkeldі.

Negіzgі zańbuzýshylyqtar — ýákіlettі organ nusqamalaryn oryndamaý jáne zańnamany júıelі túrde buzý.

Agenttіk málіmetіnshe, 1 qazan 2025 jylǵy jaǵdaı boıynsha sektorda 215 mıkroqarjy uıymy, 209 kredıttіk serіktestіk jáne 473 lombard jumys іsteıdі. Aktıvterdіń eń іrі bólіgі MQU-ǵa tıesіlі — 1,7 trln teńge (47,8%). Kredıttіk serіktestіkterdіń aktıvterі — 1,3 trln teńge (37%), lombardtardіkі — 526 mlrd teńge (15,2%).