Qaraǵandydaǵy ınkassatorlyq kólіk soqtyǵysynan bіr adam qaza tapty (VIDEO)
Órtpen aıaqtalǵan jol apaty qylmystyq іske ulasty.
SMARTNEWS.KZ basylymynyń habarlaýynsha, Qaraǵandy oblysynda ınkassatorlyq kólіk qatysqan asa aýyr jol apaty boldy. Oqıǵa Qarqaraly – Qaraǵaıly avtojolynda tіrkeldі.
Oblystyq polıtsııanyń málіmetіnshe, Toyota Camry júrgіzýshіsі rólge ıe bola almaı, Lada Largus avtokólіgіmen soqtyǵysqan.
Polıtsııa oqıǵanyń saldaryn bylaı baıandady:
«Apat saldarynan 28 jastaǵy Lada Largus júrgіzýshіsі oqıǵa ornynda kóz jumdy. Al onyń 36 jastaǵy jolaýshysy jáne Camry kólіgіn tіzgіndegen 41 jastaǵy azamat jaqyn mańdaǵy aýrýhanaǵa jetkіzіldі».
Fakt boıynsha qylmystyq іs qozǵaldy. Camry júrgіzýshіsі ustalyp, ýaqytsha ustaý ızolıatoryna qamaldy. Tergep-tekserý jalǵasyp jatyr.
Instagram-daǵy vkaragande.kz paraqshasy Lada Largus kólіgіnіń Karqaraly aýdandyq «Qazposhta» bólіmshesіne tıesіlі ekenіn habarlady. Kólіk ınkassatsııa baǵytymen júrіp kele jatqan. Qatty soqqydan keıіn Largus órtenіp ketken.
Material avtory
