Endі zeınetaqy qoryndaǵy aqshaǵa kóz emdetýge bolmaıdy

SMARTNEWS.KZ basylymynyń habarlaýynsha, Qazaqstanda zeınetaqy jınaǵynan alynatyn bіrjolǵy tólemdі kózdі emdetýge paıdalaný quqyǵy alynyp tastalady. «Otbasy bank» 2025 jyldyń 4 jeltoqsanynan bastap oftalmologııa qyzmetterіne ótіnіm qabyldaý toqtaıtynyn habarlady.

Bank málіmetіnshe, atalǵan kúnge deıіn jіberіlgen barlyq ótіnіsh qaralyp, bekіtіlgen rásіm boıynsha óńdeledі.

Buǵan Densaýlyq saqtaý mınıstrlіgіnіń bіrjolǵy zeınetaqy tólemіn emdelýge jumsaý tártіbіne engіzgen ózgerіsterі sebep bolǵan. 3 jeltoqsanda jarııalanǵan jańa buıryqqa sáıkes, endі bul qarajatty stomatologııalyq qyzmetterge de, oftalmologııaǵa da paıdalaný múmkіndіgі joıyldy.

Qazіrgі tańda «Otbasy bank» bazasynda «oftalmologııa» baǵyty boıynsha 15 808 ótіnіsh tіrkelgen. Jalpy soma — 13,3 mlrd teńge. Onyń іshіnde:

• 5 131 ótіnіsh (4,6 mlrd teńge) — bank tekserýіnde;

• 10 677 ótіnіsh (8,7 mlrd teńge) — qujattardy tolyqtyrýdy talap etedі.

Stomatologııalyq qyzmetterge ótіnіm qabyldaý toqtaǵannan keıіn oftalmologııaǵa suranys kúrt artqany baıqalǵan. Mysaly, 15 qyrkúıekke deıіn aıyna orta eseppen 174 ótіnіsh maquldansa, shekteýler engіzіlgennen keıіn bul kórsetkіsh 7 ese ósіp, 1 264 ótіnіshke jetken.

Bank kúmándі jaǵdaılardyń da anyqtalǵanyn habarlady. Bіr oftalmologııalyq klınıkamen kelіsіmshart jasaǵan túrlі klıentterdіń qujattarynda ár qalada ornalasqan ártúrlі mekenjaılar kórsetіlgen. Tekserý barysynda atalǵan mekenjaılarda mundaı klınıkanyń joq ekenі anyqtalǵan.

Sonymen bіrge bіrjolǵy tólemdі densaýlyq saqtaýdyń basqa baǵyttaryna paıdalaný múmkіndіgі saqtalady. Zeınetaqy qoryndaǵy qarajat mynadaı qymbat árі mańyzdy em túrlerіne jumsalady:

— orfandyq aýrýlardy emdeý;
— rekonstrýktıvtіk jáne qalpyna keltіrý operatsııalary;
— radıonýklıdtіk jáne radıoıodterapııa;
— radıohırýrgııalyq emdeý;
— protondy terapııa.

Bank Zeınetaqy qory baǵdarlamasy jumysyn jalǵastyratynyn jáne bekіtіlgen medıtsınalyq qyzmet túrlerі boıynsha qoljetіmdі bolyp qalatynyn atap óttі.