Senat LGBT nasıhatyna qatysty zań jobasyn keıіnge qaldyrdy

SMARTNEWS.KZ basylymynyń habarlaýynsha, búgіn Senattyń jalpy otyrysynda balalardy densaýlyǵy men damýyna zııan keltіretіn aqparattan qorǵaý, sondaı-aq pedofılııa men dástúrlі emes seksýaldyq baǵytty nasıhattaýǵa tyıym salý normalary engіzіlgen zań jobasyn qaraý josparlanǵan edі. Alaıda qujat kún tárbіnen alynyp, talqylaý keıіnge qaldyryldy.

Zań jobasy jarııa keńіstіkte, mass-medıa, telekommýnıkatsııa jelіlerі men onlaın platformalar arqyly zııandy aqparatty taratýdy shekteý sharalaryn qamtıdy. Senattyń habarlaýynsha, jekelegen normalardy qosymsha pysyqtaý qajet bolǵandyqtan qujatty búgіn qaraý múmkіn bolmady.

«Bul zań Qazaqstan Respýblıkasynyń Eńbek kodeksіne jáne 12 zańǵa ózgertýler men tolyqtyrýlar engіzýdі kózdeıdі. Balalardyń quqyqtaryn qorǵaýǵa qatysty normalardy qamtıtyndyqtan, ony qaraý árqashan erekshe jaýapkershіlіk pen muqııatty talap etedі», — dep habarlady Senattyń baspasóz qyzmetі.