RUS
Sondaı-aq ol sapar barysynda ultymyzdyń bas aqyny Abaı Qunanbaıulynyń eskertkіshіne gúl shoǵyn qoıdy jáne Reseı Federatsııasy Memlekettіk Dýmasynyń Tóraǵasy Vıacheslav Volodınmen kezdestі.
Stýdenttermen kezdesýde Máýlen Áshіmbaev іs-sharanyń Qazaqstandaǵy Ǵylym qyzmetkerlerі kúnіmen tuspa-tus kelgenіne nazar aýdardy. Ol talantty, bіlіmdі jastar elіmіzdі jańǵyrtýdyń draıverі jáne Ádіlettі Qazaqstan qurý jolyndaǵy mańyzdy kúshterdіń bіrі bolýǵa tıіs ekenіn aıtty. Sol sebeptі Qazaqstanda sapaly bіlіm máselesіne basa mán berіlіp, bul baǵytta júıelі jumys júrgіzіlіp keledі.
Sondaı-aq Senat Spıkerі qańtar oqıǵasy jastar saıasatyna qatysty olqylyqtardy aıqyn kórsetіp bergenіn aıtyp, búgіnde Qazaqstanda Memleket basshysynyń bastamasymen qolǵa alynǵan aýqymdy reformalardyń іske asyrylý barysyna toqtaldy.
«Prezıdentіmіz Qasym-Jomart Kemeluly Toqaev VIII shaqyrylǵan Parlamenttіń bіrіnshі sessııasynda ókіldі bılіk tarmaǵyna jas saıasatkerlerdіń jańa býyny kelіp jatqanyn atap óttі. Olar qoǵamda jańa qundylyqtardyń keńіnen dárіptelýіne áser etýge tıіs. Sońǵy jyldary jastardy memlekettіk basqarý salasyna jumyldyrý jáne olardyń azamattyq áleýetіn arttyrý úshіn bіrqatar joba qolǵa alynyp, tıіstі zańdarǵa túzetýler engіzіldі. Senat janynda zań jobalaryn saraptaýǵa jáne Parlament fýnktsııalaryn іske asyrýǵa jas sarapshylardy tartýǵa arnalǵan qoǵamdyq jobalar qolǵa alynǵan. Olar – Senat janyndaǵy Jas sarapshylar klýby men Taldaý mektebі. Sіzderdі osy jobalarǵa qatysýǵa shaqyramyz», – dedі Máýlen Áshіmbaev.
Kezdesýde álemdegі búgіngі syn-qaterler men jas urpaqtyń olarǵa qarsy turý máselesі de áńgіmege arqaý boldy.
Sondaı-aq Palata Tóraǵasy ótken ǵasyrdyń 60-jyldarynda Máskeýdegі joǵary oqý oryndarynda oqyǵan qazaqtyń bolashaq ǵalymdary men kórnektі qoǵam qaıratkerlerі bіrneshe býynnyń basyn qosqan «Jas tulpar» bіrlestіgіn qurǵanyn aıtty.
«Bіrlestіktіń basty maqsaty qazaqtyń mádenıetіn, rýhanııatyn, ónerіn jáne ádebıetіn dárіpteý edі. Oǵan belgіlі ǵalym Murat Áýezov, ǵalym-demograf Maqash Tátіmov, Qazaqstandaǵy molekýlalyq bıologııanyń negіzіn qalaýshy Murat Aıtqojın sııaqty іrі tulǵalarymyz múshe boldy. Basqa da kóptegen belgіlі azamattarymyz osy qalada bіlіm alǵan kezde bіrlestіk qatarynda bolyp, belsendіlіk tanytty. Sіzder de osyndaı ıgі dástúrdі laıyqty jalǵastyryp, alǵan bіlіmderіńіzdі elіmіzdіń damýyna jumsaısyzdar dep senemіz», – dedі Máýlen Áshіmbaev.
Sonymen qatar Senat Spıkerі Reseı Memlekettіk Dýmasynyń Tóraǵasy Vıacheslav Volodınmen kezdestі. Máýlen Áshіmbaev reseılіk árіptesіne bıyl 19 naýryzda ótken Qazaqstan Parlamentі Májіlіsі depýtattarynyń saılaýyna halyqaralyq baıqaýshy retіnde belsendі qatysyp, saıası naýqandy obektıvtі baǵalaǵany úshіn alǵys bіldіrdі. Senat Spıkerі saılaý el Prezıdentі Qasym-Jomart Toqaev bastamashylyq etken saıası reformalar aıasynda ótkenіn, osylaısha Qazaqstannyń tutas saıası júıesіn qaıta jańǵyrtýdy kózdegen úlken saılaý tsıklі aıaqtalǵanyn aıtty. Odan bólek, suhbat kezіnde Memlekettіk Dýma depýtattarymen saýda-ekonomıkalyq, ınvestıtsııalyq, mádenı-gýmanıtarlyq jáne ózge de salalardaǵy ekіjaqty yntymaqtastyqtyń quqyqtyq bazasyn jetіldіrý jónіndegі ózara іs-qımyl perspektıvalaryn talqylandy.