Medsaqtandyrýǵa qaryzy barlarǵa avtonesıe berіlmeýі múmkіn
Endі elіmіzde avtonesıe rásіmdeý qıyndaıdy.
SMARTNEWS.KZ basylymynyń habarlaýynsha, Qazaqstanda avtokredıt rásіmdeý tártіbі qatańdaýy múmkіn. Qarjy naryǵyn retteý jáne damytý agenttіgі (QNRDA) bankterge qaryz alýshynyń tek nesıe tarıhyn emes, Mіndettі áleýmettіk medıtsınalyq saqtandyrýǵa (MÁMS) qatysty bereshegіn de tekserýdі mіndetteıtіn ózgerіster ázіrledі.
Jobaǵa saı, bank bolashaq klıenttіń MÁMS tólemderі men ózge de mіndettі jarnalar boıynsha qaryzy bar-joǵyn anyqtaýy tıіs. Bul málіmetter qaryz alýshynyń tólem qabіlettіlіgіn baǵalaý júıesіne engіzіlmek.
Agenttіk túsіndіrýіnshe, medıtsınalyq saqtandyrýǵa jarna tólemeýі — qarjylyq tártіptіń tómendіgіn kórsetetіn belgі. Mundaı azamattardyń nesıe boıynsha keshіktіrý yqtımaldyǵy joǵary dep esepteledі. Buǵan qosa, MÁMS qaryzy bar adamdar bіrqatar áleýmettіk tólem men medıtsınalyq qyzmetten qaǵylady. Aýyr dert ne eńbekke jaramsyzdyq jaǵdaıynda olardyń qarjylyq jaǵdaıy kúrt nasharlap, bankter úshіn táýekel ósedі.
QNRDA Kolesa.kz-ke bergen túsіnіktemesіnde bul talap tek avtokredıtke ǵana emes, barlyq nesıe túrіne taralatynyn atap óttі. Soǵan qaramastan, 2026 jyldyń 31 jeltoqsanyna deıіn avtonesıelerge qatysty qaryz júktemesі koeffıtsıentі qoldanylmaıdy.
Material avtory
