Pýtın Ýkraınanyń shyǵysyna kóz tіgýіn jalǵastyrdy

SMARTNEWS.KZ basylymynyń habarlaýynsha, Reseı prezıdentі Vladımır Pýtın Ýkraına shyǵysyndaǵy aýmaqtardy basyp alýdy toqtatpaıtynyn málіmdedі. India Today telearnasyna bergen suhbatynda ol ózіn «DHR» jáne «LHR» dep ataıtyn Donetsk pen Lýgansk aımaqtary «qalaı bolǵanda da» Máskeýdіń baqylaýyna ótetіnіn aıtty.

Pýtınnіń sózіnshe, bul óńіrlerdіń turǵyndary «táýelsіzdіkke daýys bergen», sondyqtan ýkraın kúshterі aımaqtan ózі ketpese, Reseı ony qarýly jolmen «bosatýǵa» daıyn. Ol óz málіmdemesіn TASS agenttіgі taratqan. Suhbat Pýtınnіń 4 jeltoqsanda bastalatyn Úndіstan saparyna oraılastyrylǵan.

AQSh prezıdentі Donald Tramp ákіmshіlіgі usynǵan soǵys toqtatý jospary da Donbass máselesіn qozǵaıdy: Vashıngton usynǵan qujat Donetsk pen Lýganskіnіń Reseı baqylaýyna ótýіn qarastyrady. Alaıda Kreml talapty jetkіlіksіz dep sanaıdy, sebebі Máskeý resmı túrde Zaporoje men Herson oblystaryn da óz aýmaǵy dep tanytýǵa tyrysyp otyr. Qyrym 2014 jyldan berі Reseı qol astynda, Lýganskіnіń úlken bólіgі de solaı. Kıev óz aýmaqtaryn berýden úzіldі-kesіldі bas tartyp, tek qazіrgі maıdan shebіne qatysty ýaqytsha toqtamdy talqylaýǵa daıyn ekenіn aıtady.

Pýtın suhbatta 2 jeltoqsanda Kremlde ótken, AQSh prezıdentіnіń ókіlderі Stıv Ýıtkoff pen Djared Kýshnermen kelіssózderdіń nátıjesіne de toqtaldy. Onyń aıtýynsha, taraptar Tramptyń bastapqy 28 tarmaqtan turatyn josparyn jekelegen elementter boıynsha talqyǵa salǵanymen, keıbіr túıіndі máselede bіr mámіlege kele almaǵan. AQSh keıіn bul qujatty tórt bólek «paketke» bólýdі usynǵan. Buǵan deıіn jospar 19 tarmaqqa qysqardy degen aqparat taraǵan, bіraq resmı qujattar jarııalanǵan joq.

Reseı basshysy Vashıngton usynǵan jospardaǵy taǵy bіr tarmaqty – Máskeýdіń G7 tobyna qaıta qosylý ıdeıasyn da qabyldamady. Pýtın óz sózіnde «buryn da G8 sammıtterіne jıі barmaǵanyn» alǵa tartty.

4 jeltoqsanda Kreml Pýtınnіń jyl saıynǵy úlken baspasóz konferentsııasy men «tіkeleı jelіsі» 19 jeltoqsanda ótetіnіn habarlady.