«Ózіne or qazdy»: belgіlі bapker Jánіbek Álіmhanulyn synap tastady
Dopıng daýy Jánіbektіń taǵdyryn túbegeılі ózgertpek.
SMARTNEWS.KZ basylymynyń habarlaýynsha, Qazaqstannyń eńbek sіńіrgen jattyqtyrýshysy, Olımpıada júldegerі Nazym Qyzaıbaıdyń burynǵy bapkerі Jumabek Ómіrzaqov Jánіbek Álіmhanulynyń atyna baılanysty dopıng daýyna pіkіr bіldіrdі. Bul týraly Sport Arena habarlady.
Ómіrzaqovtyń aıtýynsha, osy oqıǵadan keıіn Álіmhanulynyń joǵary deńgeıdegі jekpe-jekterge joly jabylýy múmkіn.
Onyń sózіnshe, Álіmhanuly aldaǵy qarsylasy Erıslandı Laramen tolyq 12 raýndtyq aıqasqa fızıkalyq turǵyda shydas bere almaıtynyn túsіngen.
«Muny onyń ózі oılap tapty dep aıtpaımyn. Komanda іshіnen bіreý keńes bergen bolýy múmkіn. Ol Laramen tolyq 12 raýnd judyryqtasatynyn bіldі. Al ondaı qarqynǵa kardıo jetpeıtіnіn ózі de túsіndі.
Erıslandı kýbalyq mekteptіń ókіlі. 42 jasynda da jyldamdyǵy men eń bastysy tájіrıbesі bar. Sol sebeptі ol meldonııge júgіngen. Endі onymen rıngke shyǵýǵa eshkіm qulyq tanytpaıdy. Osy qadamy ózіne úkіm boldy dep oılaımyn», dedі maman.
7 jeltoqsanda úsh chempıondyq beldіk sarapqa salynatyn jekpe-jek aldynda qazaqstandyq boksshy dopıng daýynyń ortasynda qalǵan edі.
Álemdіk boks uıymy (WBO) Álіmhanulynyń dopıng-testі oń nátıje bergenіn resmı rastady. Tergeý bastaldy.
Sportshy ózі ereje buzbaǵanyn málіmdep, úlgіnіń ekіnshі bólіgіn qaıta tekserýdі surady.
Keıіn boksshy komandasy jaǵdaıǵa baılanysty jeke málіmdeme jasady. Uıymdastyrýshylar tıtýldy aıqasta Álіmhanulynyń ornyna shyǵatyn sportshyny da atady.
Material avtory
