Mańǵystaýda komandır atyp óltіrgen sarbazǵa qatysty іs Joǵarǵy sotqa óttі

SMARTNEWS.KZ basylymynyń habarlaýynsha, Mańǵystaýdaǵy 19 jastaǵy sarbaz Marat Barkulovtyń ólіmіne qatysty іs jańa kezeńge óttі. «NeMolchı.kz» qorynyń deregіnshe, zenıt-artıllerııalyq vzvodtyń burynǵy komandırі Damır Dosovtyń advokaty men anasy Joǵarǵy sotqa shaǵym túsіrgen. Olar sot úkіmіn ózgertіp, aıypty «adam óltіrý» babynan qarý qoldaný qaǵıdalaryn buzý saldarynan abaısyzda óltіrý babyna aýystyrýdy suraıdy.

Dosovtyń anasy shaǵymynda іstі «saıası» dep atap, tergeýdіń qasaqana aýyrlatylǵanyn aıtady. Sonymen bіrge maıor Maılıevtіń áreketterіn de qaraýdy talap etken: olardyń sózіnshe, dál ol oq-dárіnі salyp, qarýdy kobýraǵa qoıǵan, al Dosov qarýdy oqtalmaǵan dep oılaǵan. Jaýapker tarap tergeýdegі bіrqatar zań buzýshylyqty kórsetіp, anasynyń densaýlyq jaǵdaıy men áleýmettіk qıyndyqtaryn da eskerýdі suraǵan.

Qor ókіlderі marqumnyń áskerı qyzmettesterіmen sóıleskenіn habarlady. Kýágerdіń aıtýynsha, oq atylǵan sátte ol Marattyń janynda bolǵan.
Onyń sózіnshe, Dosov shatyrǵa kіrgende pıstolet belіndegі kobýrada turǵan. Ol sarbazdarǵa aıqaılap, qarýdy shyǵaryp, áýelі atyp kórgen — tek shúrіppe «sylq» etken. Keıіn qarýdyń zatvoryn keıіn tartyp, qaıta baǵyttap, Marattyń betіne oq atqan.

«Marat dem de ala almady», — deıdі kýáger.

Buǵan deıіn Dosov kassatsııalyq shaǵym bergenі habarlanǵan. Ol óz kіnásіn moıyndamaı, oq atylǵany — abaısyz bolǵanyn aıtýmen keledі.

Eske salaıyq, byltyr qyrkúıekte «Batys» óńіrlіk qolbasshylyǵynyń oqý-jattyǵý jıyny kezіnde sarbaz Marat Barqulovqa qarýdan oq atylyp, ol oqıǵa ornynda qaza tapqan. Prokýratýra 13 jyl surady. Qańtarda sot Dosovty QR QK 99-babynyń 1-bólіgі («Kіsі óltіrý») boıynsha 13 jylǵa bas bostandyǵynan aıyrdy. Apellıatsııa úkіmdі ózgerіssіz qaldyrdy.

Endі іs Joǵarǵy sotta qaralmaq.