Aqtóbede anasyn óltіrіp, ájesіn pyshaqtaǵan bala týraly jańa derek paıda boldy

SMARTNEWS.KZ basylymynyń habarlaýynsha, Aqtóbede týǵan balasynyń qolynan kóz jumǵan áıelmen qoshtasý rásіmі óttі. Qala turǵyndaryn eseńgіretken qandy oqıǵada 16 jastaǵy mektep oqýshysy anasyn qatіgezdіkpen óltіrgen. Tergeý boljamyna qaraǵanda, janjal smartfonǵa tyıym salýdan keıіn bastalǵan. Bul týraly KTK arnasy jetkіzdі.

Jaraqat alǵan 72 jastaǵy áje álі aýyr halde. Dárіgerler onyń jaǵdaıy turaqtanǵansha kelіnіnіń qaza tapqanyn aıtýǵa batpaı otyr.

«Naýqas aýyr jaǵdaıda tústі. Denesіnde ıyq, bіlek, jambas jáne qol tustarynda bіrneshe pyshaq jarasy bar. Sondaı-aq qabyrǵasy synǵan. Estý qabіletіnіń nasharlyǵynan baılanysý qıyn», – dedі Aqtóbe qalalyq №1 kópbeıіndі aýrýhananyń bas dárіgerі Qadyrbek Imanbaev.

Qandy oqıǵa túnde besqabatty úıde bolǵan. Tergeý málіmetіnshe, oqýshy anasyna bіrneshe ret pyshaq salǵan, keıіn ájesіne shabýyldaǵan. Páter qazіr plombalanǵan.

Kórshіlerdіń aıtýynsha, daýysty bіrіnshі bop ekіnshі qabattaǵy turǵyndar estіgen. Solar polıtsııa shaqyrǵan. Turǵyndar bul otbasy týraly tek jaqsy pіkіr aıtady: balalary tárbıelі, úlkenge qurmet kórsetetіn edі.

«Qatty aıqaı estіmedіk. Keıіn bіlgenіmіz – polıtseılerdіń daýysy eken. Balalary óte ádeptі bolatyn, kómektesýge daıyn júretіn. Osy jaqqa Alǵadan oqý úshіn kóshіp kelgen. Ákesі taksı aıdap júretіn», – dedі kórshі.

Kúdіktі – 11-synyp oqýshysy. Ol jeke mektepke bıyl ǵana aýysypty. Muǵalіmderі de onyń mіnezіne qatysty shaǵym bolmaǵanyn aıtady.

«Óte tártіptі bala edі. Úzdіk oqıtyn. Ustazdar jaǵynan tek jaqsy pіkіr boldy. Tolyq otbasynan shyqqan. Bolǵan jaǵdaıǵa qatty ókіnemіz», – dedі mektep dırektory Súndetbek Qaldybekuly.

Otbasynda úsh bala bar. Ákesі kúnkórіs úshіn jıі saparda júrgen.

Dárіgerler ájenіń ómіrіne qaýіp joq ekenіn aıtqanymen, ol bastan ótkergen aýyr kúızelіsten shyǵýy úshіn uzaq psıhologııalyq qoldaýdy qajet etedі.