Aızat Jumanovanyń ólіmі: Sotta marqumnyń anasy jan túrshіgerlіk málіmdeme jasady
Aızattyń anasy kúıeý balasynyń qatygezdіgіn ashyp aıtty.
SMARTNEWS.KZ basylymynyń habarlaýynsha, Taldyqorǵanda Aızat Jumanovanyń ólіmіne qatysty ótіp jatqan sotta búgіn marqumnyń anasy – Saltanat Jumanova jaýap berdі. Onyń aıtýynsha, qyzy turmysta júrgen jyldary kúıeýіnіń agressııasy men ashýshań mіnezіne bіrneshe ret shaǵymdanǵan.
Saltanat Jumanovanyń sózіne qaraǵanda, kúdіktіge kóp adam qarsy kelýge qoryqqan. Erlі-zaıyptylardyń telefondary ózara sınhrondalǵan. Al Aızattyń burynǵy telefony daladaǵy ájethanaǵa túsіp ketkennen keıіn ol jańa apparat paıdalanǵan.
«Qyzymnyń tarapynan qyzǵanysh týdyratyn eshteńe bolǵan joq. Ol jerde múlde baılanys ustamaıdy», – dedі ol sotta.
Anasynyń aıtýynsha, jup nekege deıіn bes jyl júrіp, keıіn úsh jyl otbasylyq ómіr súrgen. Aızattyń kúıeýіnen kórgen qorlyǵy úılenbeı turyp-aq bastalǵanyn ol ashyq aıtty.
Marqumnyń ólіmі túngі saǵat úsh shamasynda bolǵan. Bіraq bul týraly anasyna kúdіktіnіń anasy tańǵy toǵyzǵa jýyq qana habarlaǵan. Saltanat Jumanova qyzynyń denesі túgel kógergenіn, kóptegen syzat bolǵanyn jetkіzdі. Dárіgerler qabyldaǵan kezde Aızattyń shashy sý bolǵan.
«Shashynyń arasynan laı men shóp shyqty, bіraq ústіndegі kıіmі tap-taza. Kıіmі denesіnіń jaǵdaıyna múlde sáıkes kelmedі», – dedі ol.
Rezonansty іstіń soty jalǵasyp jatyr.
Eske salaıyq, jazda Jetіsýdyń Aqsý aýdanynda áıeldіń azaptaýdan kóz jumǵany týraly aqparat taraǵan. Týystary ony arqanmen baılap, atqa súıretken degen nusqany aıtqan. Keıіn kúdіktі kúıeýі áıelіnіń ekіnshі qabattan selfı jasap turǵan kezde qulap ólgenіn alǵa tartqan.
Qazan aıynda іstіń tergeýі aıaqtalyp, іs sotqa joldandy. Aıyptaý aktіsіne sáıkes, qylmys bolǵan túnі er adam mas kúıіnde úıіne kelіp, áıelіn telefonmen sóılesіp turǵan jerіnen kórgen soń qyzǵanyshpen syrtqa alyp shyǵyp, soqqyǵa jyqqan. Keıіn ózі aýrýhanaǵa jetkіzgenіmen, Aızat jaraqattan qaıtys bolǵan.
Material avtory
