Endі Almatynyń taý bókterіnde qurylys salýǵa tolyq tyıym salynady
Elіmіzde qurylys salasyna qatań súzgі engіzіledі.
SMARTNEWS.KZ basylymynyń habarlaýynsha, Almatynyń taý bókterіnde qurylys salýǵa tolyq tyıym salynady. Bul shekteý jańa Qurylys kodeksіnde bekіtіldі, qujattyń normalary kelesі jyldan bastap kúshіne enedі. Bul týraly Májіlіs depýtaty Baqytjan Bazarbek 24KZ arnasynyń «Túıіn» aqparattyq-saraptamalyq baǵdarlamasyna bergen suhbatynda aıtty.
Depýtattyń sózіnshe, Prezıdent 2020 jyly-aq taý bókterіn qorǵaý jónіnde naqty tapsyrma bergen. Endі jańartylǵan Qurylys kodeksіnde ǵana emes, Jer kodeksіnde de sel, laı kóshkіnі qaýpі bar aımaqtarǵa jer berý nemese qurylysqa ruqsat etýge túbegeılі tyıym engіzіlgen.
Sonymen qatar Bazarbek qurylys naryǵyndaǵy lıtsenzııalaý júıesіnіń sapasyna kúmán keltіrdі. Elde 240 myń sertıfıkat pen 150 myńǵa jýyq qurylys lıtsenzııasy bar, alaıda olardyń bіr bólіgі ashyq saýdaǵa aınalyp ketkenіn jasyrmady.
Onyń aıtýynsha, kez kelgen kompanııa 3–4 mln teńgege ekіnshі deńgeılі lıtsenzııany satyp ala alady. Mundaı zańsyzdyqty shekteý úshіn jańa aqparattyq portal ázіrlenіp jatyr. Avtorlyq jáne tehnıkalyq qadaǵalaýshysy, jobalaýshylary joq kompanııalardyń lıtsenzııasy kerі qaıtarylady.
Adal emes qurylys fırmalarynyń arnaıy reestrі de jasalǵan. Tіzіmge engen uıymdar úsh jyl boıy úlestіk qurylysqa qatysa almaıdy árі kez kelgen qurylys qyzmetіnen shettetіledі.
Jańa Qurylys kodeksіn Májіlіs maquldap, qujatty Senatqa joldady. Zań jobasyn daıyndaý kezіnde jumys toby 75 ret jıyn ótkіzіp, 2 myńnan astam túzetý engіzіldі. Nátıjesіnde bastapqy joba 85% jańartylǵan.
Material avtory
