HAMAS qarýyn berýge daıyn: basty talap — Izraıldіń Gazadan tolyq ketýі
Atysty toqtatý kelіsіmіnіń osal tustary shyǵyp jatyr.
SMARTNEWS.KZ basylymynyń habarlaýynsha, HAMAS Gazadaǵy qarýyn bolashaq palestınalyq basqarý qurylymyna tapsyrýǵa daıyn ekenіn málіmdedі. Basty shart — Izraıldіń anklavtaǵy okkýpatsııany tolyq toqtatýy. Bul týraly qozǵalys jetekshіlerіnіń bіrі Hálıl ál-Haııa habarlady.
Onyń aıtýynsha, HAMAS aımaqtaǵy atysty toqtatý rejımіn baqylaý úshіn BUU kúshterіnіń ornalasýyna qarsy emes, bіraq uıymdy qarýsyzdandyrýdy kózdeıtіn kez kelgen halyqaralyq mıssııany qabyldamaıdy. Ál-Haııanyń málіmdemesі AQSh prezıdentі Donald Tramp usynǵan beıbіt jospardyń ekіnshі kezeńіn іske asyrýǵa qajettі sharttardyń bіrі retіnde qarastyrylady.
6 jeltoqsanda HAMAS qozǵalysy Gazadaǵy qarýyn Palestına bılіgіne ótkіzýge kelіsetіnіn jarııalady, bіraq bul tek Izraıl armııasy anklavtan tolyq shyqqan jaǵdaıda ǵana múmkіn ekenіn atap óttі.
«Bіzdіń qarý-jaraǵymyz okkýpatsııa men agressııa jaǵdaıymen tіkeleı baılanysty. Eger okkýpatsııa aıaqtalsa, bul qarý memleket quzyryna ótedі», — dedі ál-Haııa. Onyń sózіnen táýelsіz palestınalyq memleket qurý máselesі negіzgі talaptardyń bіrі ekenі ańǵarylady. Buǵan deıіn HAMAS qarýsyzdanýdan úzіldі-kesіldі bas tartyp kelgen.
Gazadaǵy jaǵdaı Germanııa kantslerі Frıdrıh Mertstіń Izraılge saparynda da talqylandy.
Sonymen qatar HAMAS Gazany qarýsyzdandyrý úshіn halyqaralyq bіtіmgerlіk kúshterіn ornalastyrý ıdeıasyn bіrjola qabyldamaıtynyn málіmdedі. Qozǵalys tek BUU baqylaýshylarynyń shekara men atysty toqtatý sharttaryn qadaǵalaýyna kelіsedі.
Izraıl men HAMAS arasyndaǵy ekі jyldyq qaqtyǵys keıіn araaǵaıyn elder — Katar, AQSh jáne Egıpettіń qatysýymen jasalǵan atysty toqtatý kelіsіmі 10 qazanda kúshіne endі. Degenmen jaǵdaı turaqty emes: Izraıl áskerılerge jasalǵan shabýyldarǵa jaýap retіnde HAMAS nysandaryna soqqy berіp jatyr, al qozǵalys óz kezegіnde qarsylastaryna qatań shara qoldanýda.
Katar premer-mınıstrі Sheıh Muhammed ben Ábdіlrahman Ál Tanı atysty toqtatý óte álsіz kúıde turǵanyn, ony tolyqqandy dep sanaý úshіn Izraıl áskerіnіń Gazadan tolyq shyǵarylýy qajet ekenіn aıtty.
Material avtory
