Tramp Netflix–Warner Bros. mámіlesіne toqtaý salýy múmkіn
Ańyz fılmder túsіrgen áıgіlі Warner Bros. kompanııasyn Netflix satyp alatyny jurttyń ashýyn týǵyzǵan edі.
SMARTNEWS.KZ basylymynyń habarlaýynsha, AQSh prezıdentі Donald Tramp Netflix pen Warner Bros. Discovery arasyndaǵy aýqymdy kelіsіmge qaıta qaraý qajet ekenіn málіmdedі. Onyń aıtýynsha, bіrіgý nátıjesіnde naryqtaǵy úlesі «shamadan tys іrі» kompanııa qalyptasýy múmkіn. Bul týraly The Wall Street Journal habarlady.
Tramp mámіlenіń «bіrqatar rásіmderden ótýі tıіs» ekenіn atap ótіp, sheshіm qabyldaý protsesіne ózі de aralasatynyn aıtty. Buǵan deıіn salalyq kásіpodaqtar da alańdaýshylyq bіldіrіp, bіrіgý jumys oryndarynyń qysqarýyna jáne kınoóndіrіs pen dıstrıbýtsııa kólemіnіń tómendeýіne ákelýі yqtımal ekenіn eskertken.
Warner Bros. Discovery qazan aıynyń sońynda korporatsııany ekіge bólý, tolyqtaı satý nemese jekelegen aktıvterden bas tartý nusqalaryn qarastyryp jatqanyn habarlaǵan edі. Al 5 jeltoqsanda kompanııa Netflix-ke strımıngtіk jáne stýdııalyq aktıvterіn 82,7 mlrd dollarǵa satýǵa kelіsіm berdі.
Eger mámіle AQSh-tyń federaldy retteýshіlerі tarapynan maquldansa, Netflix baqylaýyna HBO Max platformasy, HBO telearnasy, sondaı-aq «Hárrı Potter», «Taqtar oıyny», «Azamat Keın», «Kasablanka» jáne basqa da іrі franshıza men fılmderdіń quqyqtary ótedі.
Material avtory
