Qaraǵandy oblysynda oqýshyny otqa oraǵan jasóspіrіmge úkіm shyqty

SMARTNEWS.KZ basylymynyń habarlaýynsha, Qaraǵandy oblysynda 14 jastaǵy Nursultandy órtep, aýyr jaraqat keltіrgen 16 jastaǵy jasóspіrіmge qatysty sot úkіmі jarııalandy. Oqıǵa byltyr 17 qyrkúıekte Aqtoǵaı aýdanyna qarasty Shashýbaı aýylynda bolǵan.

Is materıaldaryna sáıkes, ekі jasóspіrіm jeke úıdіń aýlasynda bolǵan. Úlkenі benzınnіń býyn «ıіskeýdі» usynyp, kanıstrany ashqyzǵan. Sol sátte Nursultan ydysty abaısyzda qaǵyp ketіp, benzın kıіmіne shashyraǵan. Jіgіt odan 4 500 teńge «ótemaqy» talap etіp, aqshasy joq ekenіn estіgen soń ot tutatqan sіrіńkenі onyń ústіne laqtyrǵan. Benzınge malynǵan shalbar bіrden lap etіp janǵan.

Jábіrlenýshі órttі sóndіrmek bolyp jantalasqanda denesіne aýyr kúıіk túsіrgen. Alaıda jasóspіrіm kіnásіn jasyrýǵa tyrysyp, jedel járdem shaqyrmaǵan. Kerіsіnshe, kúıіkke qaramastan eskі shalbar berіp, ústіnen kıgіzіp, bolǵan jaıtty eshkіmge aıtpaýǵa talap qoıǵan. Nursultan áýpіrіmdep úıіne jetіp, jaǵdaıdy kórgen anasy dereý dárіger shaqyrǵan.

Jábіrlenýshіnіń sózіnshe, barlyq árekettі uıymdastyrǵan — dál sol 16 jastaǵy bala. Soǵan qaramastan, tergeý bastapqyda salǵyrt júrgіzіlgen: zattaı aıǵaq alynbaǵan, kúdіktіge bultartpaý sharasy tańdalmaǵan, tіptі tergeýshі іstі «qylmys quramynyń joqtyǵy» sebeptі toqtatyp tastaǵan.

Tek advokat Ersіn Rahmetovtіń aralasýynan keıіn іs qaıta qaralyp, tergeý jandandy.

IÝvenaldyq sottyń sýdıasy Dýlat Býrabaev jasóspіrіmdі QR QK 107-baby 2-bólіgі («Kámeletke tolmaǵanǵa ádeıі ortasha aýyrlyqtaǵy zııan keltіrý») boıynsha kіnálі dep tanydy. Sot oǵan 1 jyl 6 aı merzіmge bostandyǵyn shekteý jazasyn, bіr jyl probatsııalyq baqylaý belgіledі. Úkіm shyǵarǵanda onyń kámeletke tolmaǵany jáne buryn sottalmaǵany eskerіlgen.