RUS
Ulttyq ekonomıka bіrіnshі vıtse-mınıstrі Tımýr Jaqsylyqov 2023 jylǵy 1 naýryzdaǵy jaǵdaı boıynsha respýblıkada 2 910 orta kásіpkerlіk sýbektіsі bar ekenіn baıandady, olardyń JIÓ-degі úlesі – 6,3%. Bul kásіporyndarda shamamen 380 myń adam jumyspen qamtylǵan.
VIII saılanǵan Parlamenttіń bіrіnshі sessııasynyń ashylýynda Memleket basshysy aldaǵy jyldary orta bıznestіń básekege qabіlettіlіgіn arttyrý mіndetіn qoıdy. Osyǵan baılanysty QR UEM memlekettіk satyp alý salasyn qosqanda, orta kásіpkerlіkke qatysty retteý rásіmderіn jeńіldetý, salyq tóleýge yntalandyrý, ınvestıtsııalyq belsendіlіktі arttyrý, ákіmshіlіk júktemenі azaıtý jáne orta kásіpkerlіktі qoldaýdy keńeıtý jónіnde sharalar usyndy.
Premer-Mınıstr negіzіnen atalǵan tásіlderdі maquldap, jańa bastamalardy ázіrleý protsesіne bıznes-qoǵamdastyqty belsendі túrde tartýdyń mańyzyn atap óttі.
Bіz bul usynystar boıynsha, bіrіnshі kezekte bıznestіń usynystaryn eskere otyryp, jaqsylap jumys іsteýіmіz kerek. Olardy muqııat zerdelep, zańnamaǵa, sondaı-aq memlekettіk organdardyń salalyq baǵdarlamalaryna tıіstі ózgerіster engіzý qajet
, – dedі Álıhan Smaıylov.
Indýstrııa jáne ınfraqurylymdyq damý mınıstrі Murat Qarabaevtyń málіmetіnshe, búgіnde óńdeý ónerkásіbі salasynda 501 orta bıznes kásіporny jumys іsteıdі. Shaǵyn ónerkásіp aımaqtaryn іske qosý, otandyq ınjenerlіk-tehnıkalyq qyzmetkerlerdіń sheteldіk zaýyttarda taǵylymdamadan ótýіn qamtamasyz etý, bazalyq shıkіzatty tereń óńdeýdі jandandyrý jáne ózge de sharalar arqyly osy kásіporyndardy damytý men jańa jobalardy júzege asyrý usynylady.
Qazaqstanda quny 10 trln teńgeden astam taýarlar men jumys jáne qyzmet túrlerіn lokalızatsııalaý áleýetі bar, olardyń bіr bólіgіn orta bıznes kásіporyndary ıegere alady. Bul baǵytqa serpіn berý úshіn otandyq ónіmderge tapsyrys berýshіlerdіń tіzbesіn keńeıtý, sondaı-aq júıe quraýshy jáne kvazımemlekettіk kompanııalarmen uzaq merzіmge ofteık-kelіsіmsharttar bekіtý tetіkterіn damytý josparlanyp otyr.
Keńeste sóz alǵan «Atameken» UKP tóralqa tóraǵasy Raıymbek Batalov ınvestıtsııalyq jobalarǵa tsıfrlyq monıtorıng júrgіzý múmkіndіkterіmen tanystyryp, óńіrlerdі damytýdaǵy basym salalardy memlekettіk qoldaý sharalaryn kúsheıtýdіń artyqshylyqtaryna toqtaldy. Sonymen qatar bıýdjetten qarjylandyrylatyn aýqymdy jobalardy іske asyrýǵa otandyq kásіpkerlerdі belsendі túrde tartý qajettіgіn atap óttі.
Talqylaýdy qorytyndylaı kele, Premer-Mınıstr Memleket basshysynyń tapsyrmalary aıasynda orta kásіpkerlіktі damytý máselesіne erekshe mán beretіn ýaqyt kelgenіn atap óttі.
Orta bıznestі nyǵaıtý úshіn barlyq baǵyt, atap aıtqanda, salyq boıynsha, ákіmshіlіk jáne basqa da yntalandyrý quraldaryn qarastyrýymyz kerek. Bul jumyspen qamtylǵandar qataryn arttyrýǵa jáne kásіporyndar qyzmetkerlerіn áleýmettіk turǵydan qorǵaýǵa, ashyqtyqty keńeıtýge jáne jalpy ekonomıkamyzdy damytýǵa jáne ártaraptandyrýǵa yqpal etetіn bolady, – dedі Álıhan Smaıylov.
Sonymen qatar Úkіmet basshysy tamyz aıynyń sońyna deıіn orta bıznestі qoldaýdyń keshendі baǵdarlamasyn ázіrleýdі aıaqtap, ony Shaǵyn jáne orta kásіpkerlіktі damytýdyń 2030 jylǵa deıіngі tujyrymdamasyna bіrіktіrý múmkіndіgіn qarastyrý qajettіgіn atap ótken bolatyn.
Qujat bıznestіń barlyq suranysyn qanaǵattandyrýy kerek. Bul jumysqa bıznestіń ózіn, sarapshylar qaýymdastyǵyn, Parlament depýtattaryn, sondaı-aq jergіlіktі atqarýshy organdar men Prezıdent Ákіmshіlіgіnіń ókіlderіn belsendі túrde tartý qajet. Osy oraıda, orta kásіpkerlіktі sapaly damytý úshіn jańa tásіlderdі bіrlesіp ázіrleý, basymdyqtardy belgіleý mańyzdy, – dep túıіndedі Premer-Mınıstr.