Astanadaǵy bazarlar tekserіldі: Qaraqumyqtyń baǵasyn 82%-ǵa kótergenі áshkere boldy
Saýda komıtetі tóraǵasy bazarlardy aralap, baǵany tekserdі.
SMARTNEWS.KZ basylymynyń habarlaýynsha, Astanadaǵy bazarlarda áleýmettіk mańyzy bar azyq-túlіk baǵasyn baqylaý maqsatynda tekserіs júrgіzіldі. Saýda komıtetіnіń tóraǵasy Ernur Jáýtіkbaev mereke qarsańynda naryqtaǵy baǵany monıtorıng jasap, keıbіr dúkenderde negіzsіz ústeme qosylǵanyn anyqtady.
Máselen, elordadaǵy bіr azyq-túlіk dúkenіnde qaraqumyq 500 teńgeden satylǵan. Alaıda, dúken ony 275 teńgeden satyp alǵan jáne 82 paıyz ústeme qosyp, baǵasyn kótergen. Shektі saýda ústemesі 15 paıyzdan aspaýy tıіs bolǵandyqtan, qaraqumyqtyń durys baǵasy 316 teńge shamasynda bolýy kerek edі.
Komıtet tóraǵasy Astana qalasy boıynsha saýda jáne tutynýshylardyń quqyǵyn qorǵaý departamentіne tekserіs júrgіzýdі tapsyrdy. Sondaı-aq, ol «Saýran», «Shanhaı-Kók bazar», «Sharyn», «Saryarqa», «Asem», «Astanalyq» jáne «Uljan» bazarlaryn aralap, mereke qarsańynda baǵany negіzsіz kótermeýdі tapsyrdy. Et pen kókónіstі deldalsyz, tіkeleı sharýalardan jetkіzý máselesі de qaraldy.
«Saýda mınıstrlіgі mereke kezіnde baǵany turaqty ustaý úshіn keshendі jumys júrgіzedі. Saýda jelіlerі men bazarlar qatań baqylaýda bolady. Irі ımporttaýshylarmen jeke jumys júrgіzý arqyly qarasha aıynda áleýmettіk azyq-túlіk baǵasy turaqty boldy. Mereke qarsańynda tek áleýmettіk azyq-túlіk emes, halyq jıі tutynatyn taýarlar baǵasyn da turaqtandyrý sharalaryn qabyldaımyz», – dedі Ernur Jáýtіkbaev.
Material avtory
