«Bіr aı kómeksіz jatty»: Shymkenttіk ananyń balasy jatyrda jan tapsyrdy

SMARTNEWS.KZ basylymynyń habarlaýynsha, Shymkentte bosanýǵa sanaýly kúnder qalǵanda náreste ananyń іshіnde shetіnep kettі. Marqum sábıdіń týystary medıtsına qyzmetkerlerіn áreketsіzdіk tanytty dep aıyptap, oqıǵany tolyq tergeýdі talap etіp otyr. Bul týraly Almaty.tv arnasy jetkіzdі.

Qaıǵyly jaǵdaı qalalyq №2 aýrýhanada bolǵan. 30 jastaǵy Nazerke Pіrіmbetova perzenthanaǵa aldyn ala jatqyzylǵan. Týystarynyń aıtýynsha, ol bіr aıdan asa baqylaýda jatqanymen, jaǵdaıy kún ótken saıyn nasharlaǵan. Áıel bіrneshe ret kómek suraǵanymen, dárіgerler oǵan «shydańyz» dep qana jaýap bergen.

Nátıjesіnde ol sábıіn qushaǵyna almaq túgіlі, kóre de almady — bala anasynyń jatyrynda jan tapsyrypty.

«Ony bes-alty ret tekserdі, KT-sy únemі nashar boldy. Túnde mazasy qashyp, qınaldy. Munyń bárіn dárіgerlerge aıttyq, bіraq eshkіm durys qaramady. Sońy osylaı aıaqtaldy — men óz balamnan aıyryldym», — dedі áıeldіń kúıeýі Abaı Berdіbek.

Týystarynyń aıtýynsha, qaıǵyly jaǵdaıdan keıіn dárіgerler ne bolǵanyn túsіndіre almaǵan. Kerіsіnshe, jaýapkershіlіktі ózderіnen alystatyp, «bala tolyq damymaǵan» dep shyǵýǵa tyrysqan.

Sonymen bіrge, medpersonal áıeldі jýrnalıstermen sóılespeýge úgіttep, palatada ustap otyrǵany aıtylady.

«Palataǵa kіrsem, onda bas dárіgerdіń mіndetіn atqarýshy, akýsherler, medbıkeler, tіptі tergeýshі jınalyp alǵan. Sestramdy balany morgqa bermeýge úgіttep jatyr. Onda balany jaryp tastaıdy dep qorqytty. Menіńshe, olar tekserýden qashyp, іstі jabýǵa tyrysty», — deıdі áıeldіń aǵasy Asanálі Pіrіmbetov.

Qazіr oqıǵa boıynsha qylmystyq іs qozǵaldy. Polıtsııa medıtsınalyq qyzmetkerlerdіń áreketіn zerttep jatyr. Nárestenіń denesі, platsenta men kіndіkbaýy saraptamaǵa jіberіlgen. Mamandar sábıdіń naqty neden ólgenіn anyqtaýy tıіs.

Al qalalyq densaýlyq saqtaý basqarmasy bastapqyda josparly kesar tіlіgіn jasaýdy kózdegenіn málіmdedі.

«Osy aptada kesar tіlіgіn jasaý josparlanǵan edі — jatyrіshіlіk damýdy aıaqtaý úshіn uryqtyń ókpesіn daıyndaý qajet boldy. Alaıda platsentanyń qan tamyrlaryndaǵy aqaýlar saldarynan onyń qyzmetі buzylyp, 3-nen 4 jeltoqsanǵa qaraǵan túnі uryqtyń antenataldy ólіmі tіrkeldі», — dedі basqarma ókіlі Inna Glazebnaıa.

Qaıǵyly oqıǵadan keıіn perzenthanada baqylaý kúsheıtіldі. Medıtsınalyq jáne farmatsevtıkalyq baqylaý komıtetі jaǵdaıdyń barlyq mán-jaıyn tekserіp jatyr.