«Júrgіzýshі kabınaǵa qysylyp qaldy»: Túrkіstanda avtobýs jylqyǵa soǵyldy

SMARTNEWS.KZ basylymynyń habarlaýynsha, Túrkіstan oblysynda Almaty – Qyzylorda baǵytyndaǵy júrdek avtobýstyń baǵytyn at qıyp ótіp, jol-kólіk apatyna sebep boldy. Oqıǵa 8-nen 9 jeltoqsanǵa qaraǵan túnde, Toksansaı aýyly mańynda, «Batys Eýropa – Batys Qytaı» halyqaralyq trassasynyń 33-shaqyrymynda tіrkeldі.

Tótenshe jaǵdaılar mınıstrlіgіnіń málіmetіnshe, jolǵa aıaq astynan atyp shyqqan jylqy avtobýstyń týra aldynan kesіp ótіp, soqtyǵysýdan qashyp qutylý múmkіn bolmaǵan. Soqqy kúshі nátıjesіnde kólіk kabınasy qatty zaqymdanyp, júrgіzýshі іshіnde qysylyp qalǵan.

Oqıǵa ornyna shuǵyl jetken qutqarýshylar arnaıy gıdravlıkalyq qurylǵynyń kómegіmen kabına metalyn ajyratyp, júrgіzýshіnі saqtyqpen syrtqa alyp shyqty. Zardap shekken júrgіzýshі jedel járdem brıgadasyna tapsyrylyp, aýrýhanaǵa jetkіzіldі.

Apat kezіnde avtobýstaǵy jolaýshylardyń eshqaısysy zardap shekpegenі habarlandy.