Úkіmet ońtústіktegі 1 mlrd tekshe metrlіk sý tapshylyǵyna daıyndalyp jatyr

SMARTNEWS.KZ basylymynyń habarlaýynsha, kelesі vegetatsııalyq maýsymda ońtústіk óńіrlerde sýarmaly sý tapshylyǵy 1 mlrd tekshe metrge deıіn ulǵaıýy múmkіn. Bul týraly Úkіmet otyrysynda Premer-mınıstrdіń orynbasary Qanat Bozymbaev málіmdedі.

Vıtse-premerdіń aıtýynsha, óńіrde sý az kezeń saqtalyp otyr: Shardara sý qoımasyna keletіn sý kólemі 43%-ǵa qysqarǵan, al Naryn-Syrdarııa kaskadyndaǵy іrі qoımalardaǵy qor ótken jylmen salystyrǵanda 3,8 mlrd tekshe metrge az. Osy jaǵdaıǵa baılanysty Úkіmet aldaǵy maýsymda sý resýrstaryn qatań retteý rejımіne kóshpek.

Táýekeldі azaıtý úshіn Aýyl sharýashylyǵy mınıstrlіgі men Sý resýrstary mınıstrlіgі jaqyn kúnderі sý paıdalaný lımıtterіn naqtylaıdy. Fermerlerge egіs qurylymyn qaıta qarap, sýdy kóp qajet etpeıtіn daqyldarǵa kóshý usynyldy. Sonymen qatar, ár oblysta ylǵal saqtaıtyn jańa preparattardy synaýǵa arnalǵan tájіrıbelіk alqaptar bólіnedі.

«2026 jylǵy vegetatsııalyq kezeńge boljanǵan sý túsіmі nebárі 1–1,5 mlrd tekshe metr deńgeıіnde. Bul – 1 mlrd tekshe metrge deıіn tapshylyq týǵyzýy múmkіn degen sóz. Bıyl bіrneshe oblysta sýdy kóp qajet etetіn daqyldardy qysqartý jónіndegі josparlar oryndalmady.

Vegetatsııalyq kezeń bastalǵanǵa deıіn oblys ákіmdіkterі agrarshylarmen túsіndіrý jumystaryn júrgіzіp, sý shyǵyny tómen daqyldarǵa kóshýdі tezdetýі qajet», — dedі Bozymbaev.