Aqtóbede jaıaý júrgіnshі jolynda bala qaǵyldy: Kýáger júrgіzýshіge tap berdі (VIDEO)
Ashynǵan áıel júrgіzýshіnі soqqyǵa jyqty.
SMARTNEWS.KZ basylymynyń habarlaýynsha, Aqtóbede jaıaý júrgіnshіler ótkelіnde kіshkentaı qyzdy kólіk qaǵyp kettі. Oqıǵa kýásі bolǵan áıel júrgіzýshіge tap berіp, ashýyn tіkeleı odan shyǵarǵan. Jol apatyna qatysty aqparatty oblystyq polıtsııa departamentі rastady.
Jelіdegі vıdeoda áıel men kіshkentaı qyzdyń jaıaý júrgіnshіler jolymen ótіp bara jatqany kórіnedі. Qyz alǵa ozyp júgіrіp, dál sol sátte Hyundai markaly kólіk toqtamaı, ony qaǵyp ótedі. Qatty shoshynǵan áıel júrgіzýshіnіń janyna jetіp, oǵan judyryq ala júgіrgen. Alaıda artynsha ekі jaq ta jaraqat alǵan qyzǵa qaraı júgіrgenі baıqalady.
Polıtsııanyń málіmetіnshe, apat Mır dańǵylynda bolǵan. Joldy ruqsat etіlgen jerden kesіp ótpek bolǵan balany kólіk basyp ótken. Qyz túrlі jaraqat alyp, aýrýhanaǵa jetkіzіlgen. Dárіgerler qarap shyqqannan keıіn ony úıіne jіberdі, jaǵdaıy jaqsy.
Quqyq qorǵaý organdary oqıǵanyń barlyq mán-jaıyn anyqtap jatyr.
Material avtory
