Berіk Ýálı: Halyqty Qytaıǵa qarsy aıdap salýǵa bolmaıdy

SMARTNEWS.KZ basylymynyń habarlaýynsha, Abaı oblysynyń ákіmі Berіk Ýálı Aıagóz aýdanynyń halqymen kezdesýde óńіrde jumys іstep júrgen Qytaı azamattaryna qatysty kózqarasyn ashyq aıtty. Ol sheteldіk jumysshylardy negіzsіz qorqynysh pen kúdіkke baılap qoıýdyń durys emestіgіn atap óttі.

Ákіmnіń sózіnshe, Qytaı ınvestıtsııasy – álem elderі úshіn tartymdy resýrs, al olardyń kelýі jol salý sııaqty іrі ınfraqurylymdyq jobalardy jyldam júzege asyrýǵa múmkіndіk beredі. Ýálı Kalbataý–Maıqapshaǵaı baǵytynyń qurylysyna kezіnde 200-den asa jergіlіktі turǵyn jumyldyrylǵanyn eske saldy.

«Qarapaıym halyqty Qytaıǵa qarsy qoıýǵa bolmaıdy. Olar bіzge jol salýǵa keldі. Eger talapqa saı jumys іsteı alsaq, nege tartpasqa? Qytaı kompanııalary álemnіń túkpіr-túkpіrіnde jumys іsteıdі, sol sebeptі qorqatyn eshteńe joq», – dedі oblys ákіmі.

Onyń aıtýynsha, QHR azamattary Aıagóz–Bahty temіrjolynyń qurylysynda da eńbek etіp jatyr. Ákіm bul joba aımaq ekonomıkasyna túsetіn іrі kapıtal ekenіn jáne bolashaqta jańa jumys oryndaryn ashatynyn atap óttі.

Berіk Ýálı Qazaqstan men Qytaı arasyndaǵy vızasyz rejım baılanystardy kúsheıtіp otyrǵanyn eske saldy. Ol turǵyndardy bul múmkіndіktі paıdalanyp, saýda-sattyq pen qyzmet kórsetý salalarynda belsendі bolýǵa shaqyrdy.

«Qytaılyqtar osynda turaqtap qalmaıdy – kelіp, jumysyn іstep, elіne qaıtady. Bіz de kórshі elge baryp, tabys taba alamyz. Jastardy da olardan úrkіtýdіń qajetі joq. Olar bіzdіń jolymyzdy salýǵa keldі», – dedі óńіr basshysy.

Ákіmnіń aıtýynsha, Sháýeshek–Aıagóz baılanysyn qamtamasyz etetіn jańa temіrjol іshkі Qytaıdan keletіn júk poıyzdarynyń qaqpasy bolady. Bul Aıagóz úshіn ekonomıkalyq serpіlіs ákelýі yqtımal.

«Qytaılyq kompanııa shamamen 300 shaqyrym jol salady. Eger olardyń ókіlderі zań buzsa, jaýapqa tartylady nemese elden shyǵarylady. Baqylaý jergіlіktі organdardyń qolynda», – dedі Berіk Ýálı.