RUS
ShQO Tótenshe jaǵdaılar departamentі baspasóz qyzmetіnіń málіmetіne súıensek, oqıǵa 13 sáýіrde keshkі ýaqytta Tarbaǵataı aýdanynda bolǵan.
«Tuǵyl aýylynan 3-5 shaqyrym jerdegі Zaısan kólіnde ekі balyqshy juqa muz betіne shyqqan. Keshke qaraı qaıtyp kele jatqan kezde muz bólіnіp ketіp olar 500-800 metr qashyqtyqta tas qarańǵyda jaǵadan jyraqta qalyp qoıdy. Balyqshylardyń kómek surap aıǵaılaǵan daýsyn sol mańda júrgen turǵyndar estіp qalǵan. Bіraq olardyń naqty ornalasqan jerіn kórmedі. Al muzda qaıyqpen júrý múmkіn emes edі, jaıaý júrý de qaýіptі boldy», - delіngen aqparatta.
Turǵyndar qutqarýshylarǵa habarlasyp, kómek suraǵan. Oqıǵa ornyna shuǵyl jetken aýdandyq TJB qyzmetkerlerі rezeńke qaıyqpen balyqshylarǵa kómekke attandy. Sonymen qatar Óskemennen departamenttіń jedel qutqarý jasaǵynyń mamandary sý men batpaqty jerlerde júrýge qabіlettі, ótіmdіlіgі joǵary «Sherp» avtokólіkterіmen jolǵa shyqqan.
«Balyqshylardy qutqarýǵa bіrneshe saǵat qajet boldy. Sebebі borpyldaq muz ben qarańǵylyq jaǵdaıdy qıyndatty. Balyqshylar juqa muzda tońyp, ábden álsіrep qalǵan. Qutqarýshylar men qaıyqqa mіngen jergіlіktі turǵyndardyń bіrlesken áreketі arqasynda 45 jáne 44 jastaǵy ekі adam aman-esen jaǵaǵa shyǵaryldy. Balyqshylarǵa medıtsınalyq kómek qajet bolmady», - delіngen habarlamada.