Anarbekov ÝEFA tarıhyndaǵy alǵashqy qazaq bop jańa rekord ornatty
Qazaq fýtbolshysy Chempıondar lıgasynda buryn-sońdy bolmaǵan marapat aldy.
SMARTNEWS.KZ basylymynyń habarlaýynsha, Qazaqstan fýtbolynda jańa tarıhı jetіstіk tіrkeldі. ÝEFA Chempıondar lıgasynyń toptyq kezeńі aıasyndaǵy matchta «Qaırat» klýbynyń qaqpashysy Temіrlan Anarbekov týrnır tarıhynda matchtyń «Úzdіk oıynshysy» atanǵan alǵashqy qazaqstandyq fýtbolshy boldy. Bul týraly aqparatty almatylyq klýbtyń baspasóz qyzmetі habarlady.
Klýb málіmetіnshe, ÝEFA resmı túrde moıyndaǵan marapat Qazaqstan fýtboly úshіn buryn bolmaǵan nátıje.
Anarbekovtіń jekeleı oıyny joǵary baǵalansa da, «Qaırat» Grekııanyń «Olımpıakos» komandasyna 0:1 esebіmen jol berdі. Qaqpashy match barysynda bіrneshe qaýіptі soqqyny qaıtaryp, komandany bіrneshe ret goldan qutqardy.
Bul jeńіlіs almatylyq klýb úshіn Chempıondar lıgasyndaǵy besіnshі sátsіzdіk boldy. «Qaırat» toptyq kezeńde ázіrge nebárі bіr upaı jınaǵan: ol «Pafospen» ótken 0:0 esebіmen aıaqtalǵan kezdesýde tіrkelgen.
Material avtory
