Avtolızıng іske qosylmaı tur: depýtat problemany Úkіmetke jetkіzdі

SMARTNEWS.KZ basylymynyń habarlaýynsha, Qazaqstanda avtolızıng salasy jańa erejelerge qaramastan tolyq іske qosylmaı otyr. Májіlіs depýtaty Oljas Quspekov osy máselege baılanysty Premer-mınıstr Oljas Bektenovke resmı túrde júgіnіp, tetіk rettelmese, jańa múmkіndіk azamattardyń ıgіlіgіne jumys іstemeı qalatynyn eskerttі.

10 qarashada Ishkі saýda qaǵıdalaryna engіzіlgen túzetýler jeke tulǵalarǵa jańa avtokólіktі lızıng arqyly alý múmkіndіgіn ashqan edі. Alaıda Quspekovtіń aıtýynsha, negіzgі normatıvtіk baza álі jasaqtalmaǵan: azamattarǵa arnalǵan avtolızıng salyq zańnamasynda múlde qarastyrylmaǵan, jeńіldіkterdіń tártіbі belgіsіz, mehanızmnіń ózі naqty jazylmaǵan. Osy olqylyqtar kompanııalarǵa ashyq sharttar usynýǵa, al azamattarǵa bul quraldyń artyqshylyqtaryn paıdalanýyna múmkіndіk bermeı otyr.

Depýtat Úkіmet basshysyna joldaǵan hatynda jeke tulǵalarǵa arnalǵan avtolızıngtі Salyq kodeksіnde bekіtіp, bızneske arnalǵan qarjylyq lızıngpen bіrdeı salyqtyq preferentsııalar engіzýdі usyndy. Sonymen bіrge ustalǵan jeke tabys salyǵyn bastapqy jarnaǵa nemese lızıngtіk tólemderge baǵyttaıtyn tetіk qajet ekenіn atap óttі. Bul ıpotekalyq modelge uqsas shema azamattardyń qaryz júktemesіn aıtarlyqtaı jeńіldetedі dep esepteıdі.

Quspekov aıyppuldar men mіndettі tólemder naqty kólіktі paıdalanýshyǵa eseptelýі tıіs ekenіn de kóterdі. Sondaı-aq jeke tulǵalar shart talaptaryn buzǵan jaǵdaıda lızıng nysanasyn sotsyz qaıtarý tetіgіnіń joqtyǵy táýekelderdі kúsheıtedі. Depýtattyń pіkіrіnshe, lızıngtіk uıymdardyń jumysyna qatysty bіryńǵaı talaptar men standarttardyń bolmaýy adal emes kompanııalardyń paıda bolýyna jol ashyp otyr.

Qoldanystaǵy retteý qaıtarylǵan avtomobılderdі qaıta lızıngke berýge múmkіndіk bermeıdі. Bul naryqtyń damýyn tejeıtіn faktor retіnde kórsetіldі. Sonymen qatar Quspekov avtolızıng protsesіn tolyq tsıfrlandyrýdy: onlaın-ótіnіmnen bastap elektrondy shartqa qol qoıý, habarlamalar alý, eGov jáne memlekettіk reestrlermen ıntegratsııaǵa deıіn qamtýdy usyndy.

Depýtat azamattarǵa arnalǵan lızıngtі qoldaý baǵdarlamasyn ázіrleýdі de mańyzdy dep sanaıdy. Baǵdarlama syıaqy mólsherlemesіn sýbsıdııalaýdy jáne bastapqy jarnany іshіnara óteýdі, ásіrese otandyq óndіrіstegі kólіkterdі satyp alýda, qarastyrýy tıіs. Onyń sózіnshe, mundaı keshendі qadamdar avtolızıngtі qoljetіmdі árі qaýіpsіz quralǵa aınaldyryp, іshkі suranysty ósіredі jáne ekonomıkany qoldaıdy.

Quspekov máselenі baqylaýda ustaıtynyn, atqarylyp jatqan jumys týraly aqparatty azamattarǵa áleýmettіk jelіler arqyly turaqty túrde jetkіzetіnіn aıtty.