Alǵashqy áskerı daıyndyq pánіnіń ataýy ózgeredі
Premer-Mınıstr Álıhan Smaıylov Senat depýtattarynyń saýalyna bergen jaýabynda «Alǵashqy áskerı jáne tehnologııalyq daıyndyq» (AÁTD) pánіnіń ataýy ózgeretіnіn málіm ettі, dep habarlaıdy smartnews.kz saıty.
«Qazіrgі kezde Oqý-aǵartý mınıstrlіgі bіlіm alýshylarda áskerı іs negіzderі boıynsha qajettі bіlіmdі, іskerlіktі, tótenshe jaǵdaılarda qajet daǵdylardy ıgerýdі qalyptastyrý úshіn AÁTD pánіn «Bastapqy áskerı daıyndyq» pánі dep ózgertý jumystaryn júrgіzýde.
Y. Altynsarın atyndaǵy Ulttyq bіlіm akademııasynyń bazasynda quramynda praktık-muǵalіmder, jetekshі ǵalymdar, ádіskerler qatarynan 300-ge jýyq ázіrleýshі bar jumys toptary qoldanystaǵy baǵdarlamalardy jetіldіrýmen aınalysýda», - dep jazylǵan jaýapta.
Sonyń іshіnde AÁTD pánіnіń qoldanystaǵy baǵdarlamasy da jetіldіrіlіp jatyr.
«Oqý baǵdarlamalary jetіldіrіlgennen keıіn AÁTD pánіn oqytýdyń kúntіzbelіk-taqyryptyq josparynyń mazmuny qaıta qaralatyn bolady», - dep jazady Úkіmet basshysy.