«Aýtıst balalardy óltіrýge shaqyryp júr»: Depýtat «qatіgez» blogerlerdі aýyr jazalaý keregіn aıtty

SMARTNEWS.KZ basylymynyń habarlaýynsha, «AMANAT» partııasy fraktsııasynyń múshesі Erlan Ábdıev Premer-Mınıstrdіń orynbasary – Mádenıet jáne aqparat mınıstrі Aıda Balaevaǵa áleýmettіk jelіlerde múgedektіgі bar jandar týraly dórekі sóıleıtіnderdіń kóbeıýіne qatysty depýtattyq saýal joldady.

«Memleket basshysy Qasym-Jomart Kemeluly Toqaev óz Joldaýlarynda «ınklıýzııa – eshkіmdі artta qaldyrmaý» qaǵıdatyn basymdyq retіnde atap ótіp, múgedektіgі bar adamdarǵa qatysty kózqarasta bіrіnshі kezekte adamnyń múmkіndіgіn, áleýetіn kórýdі mіndettedі. Bul BUU-nyń Turaqty damý maqsattaryndaǵy qaǵıdattarymen úndes ulttyq baǵyt», – delіngen saýalda.

Depýtat atap ótkendeı, sońǵy aılarda áleýmettіk jelіlerde múgedektіgі bar balalar men azamattarǵa qarsy qorlaý, óshpendіlіk tіlі kúsheıgen.

«Atap aıtqanda, osydan bіrneshe aı buryn bloger-symaq bіreýdіń aýtızmі bar balalardy óltіrýge shaqyrǵanyn bіlesіzder. Ol áleýmettіk arazdyqty qozdyryp qana qoımaı, kópshіlіktі qatygezdіk pen zorlyq-zombylyqqa ashyqtan-ashyq shaqyrdy», – deıdі Ábdıev.

Sonymen qatar, depýtat aýtıst balalardyń ata-anasyn qorlaǵan blogerdіń oqıǵasyn da eske saldy.

«Kúnі keshe aýtızm dertіne shaldyqqan balalar men olardyń áke-sheshesіne tіl tıgіzgen taǵy da bіr bloger shyqty. Ol mundaı aýytqýy bar bala jeńіl júrіstі shesheden týady dep málіmdedі. Onsyz da aýyr dertke shaldyqqan balalardyń ata-analaryna bul jyǵylǵanǵa judyryqtaı tıgenі anyq. Haıptyń artynda júrіp, kópshіlіktіń aryn taptaǵan mundaı blogerlerge ákіmshіlіk emes qylmystyq jaza qoldanylýy kerek! Áıtpese kez-kelgen adam aýzyna ıe bolmaı, jazadan qutylyp, qoǵamǵa úlken zııan keltіrіp emіn-erkіn júre bermek», – dep qosty depýtat.

Ábdıev áleýmettіk jelіlerdіń qoǵamdaǵy áleýmettіk dıstantsııanyń ósýіn jáne stıgmanyń kórіnіsіn kórsetetіnіn atap óttі.

«Búgіnde Qazaqstan medıtsınalyq modelden áleýmettіk modelge ótýde. Bul psıhologııalyq turǵyda kúrdelі protsess, qabyldaý kezeńderі bar: bastapqy terіsteý, qarsylyq, túsіnbeýshіlіk, sodan soń jańa shyndyqty qabyldaý. Osy jaǵdaıda memlekettіń mіndetі – qoǵamnyń sanasyn durys baǵytta jańǵyrtý, teń múmkіndіkterdі qorǵaý jáne múgedektіgі bar azamattardyń quqyqtaryn múltіksіz saqtaý», – deıdі depýtat.

Saýalda sońǵy ekі jylda Mádenıet jáne aqparat mınıstrlіgіnіń ınklıýzııa taqyrybyn іlgerіletýge bólgen 66 mln teńgenіń respýblıkalyq deńgeıde aıtarlyqtaı nátıje bermegenі, qarajattyń shaǵyn jáne bytyrańqy jobalarǵa bólіngenі aıtylǵan.

Ábdıev óz usynysyn da naqtylap berdі:

múgedektіgі bar adamdarǵa qatysty durys túsіnіk qalyptastyratyn keshendі memlekettіk kommýnıkatsııalyq strategııa ázіrleý;

óshpendіlіk tіlіnіń aldyn alatyn, ǵylymı negіzdelgen aqparat berý;

2026 jylǵa arnalǵan «Kemsіtýshіlіkke nóldіk tózіmdіlіk» Ulttyq іs-sharalar josparyn qabyldaý;

áleýmettіk jelіler men BAQ-taǵy dıskrımınatsııalyq kontentke jedel áreket etý;

ınklıýzııany arttyrý boıynsha oblystardyń ákіmderіne naqty ındıkatorlardy engіzý.