Almatyda avtobýs júrgіzýshіsі telefonǵa alańdap, qyzdy qaǵyp ketken (VIDEO)
2007 jyly týǵan qyz aýrýhanada jatyr.
SMARTNEWS.KZ basylymynyń habarlaýynsha, Almatyda jolaýshylar avtobýsynyń júrgіzýshіsі telefonǵa alańdap, jaıaý júrgіnshіler ótkelіnde qyzdy qaǵyp kettі. Oqıǵa 9 jeltoqsan kúnі kúndіz bolǵan. Jol-kólіk oqıǵasynyń vıdeosy áleýmettіk jelіge tarady.
Almaty qalalyq polıtsııa departamentі bergen málіmetke sáıkes, saǵat 10:54-te Almaly aýdanynda, Tóle bı dańǵylymen batysqa baǵyt alǵan avtobýs júrgіzýshіsі Isaev kóshesіmen qıylysqa kelgende 2007 jyly týǵan qyzdy qaǵyp ótken. Ol jaıaý júrgіnshіler jolaǵymen ótіp bara jatqan.
Jaraqat alǵan qyz aýrýhanaǵa jetkіzіldі.
Oqıǵa boıynsha Almaty qalasynyń Tergeý basqarmasy qylmystyq іs qozǵady. Avtobýs júrgіzýshіsі ustalyp, ýaqytsha ustaý ızolıatoryna qamaldy.
Almaty qalalyq PD Ákіmshіlіk polıtsııa basqarmasynyń bastyǵy Serіk Shumaev jaǵdaıǵa qatysty bylaı dedі:
«Júrgіzýshіnіń, ásіrese jolaýshy tasymaldaıtyn adamnyń, telefonǵa alańdaýy — múlde jol berіlmeıtіn jaǵdaı. Ár júrgіzýshі jolda tolyq zeıіn qoıýy tıіs, óıtkenі onyń salǵyrttyǵy adam ómіrіne qaýіp tóndіredі. Almaty polıtsııasy barlyq qoǵamdyq kólіk jáne jeke kólіk júrgіzýshіlerіn jol erejesіn qatań saqtap, jaıaý júrgіnshіlerdіń ómіrіn qaýіpke tіkpeýge shaqyrady».
Material avtory
