Elіmіzde jumysy nashar úsh ákіm jazalanýy múmkіn
Ákіmderge sońǵy eskertý jasaldy.
SMARTNEWS.KZ basylymynyń habarlaýynsha, Shyǵys Qazaqstanda jumys qarqyny eń tómen úsh aýdannyń ákіmderі jyl sońynda jazalanýy yqtımal. Bul týraly oblys ákіmі Nurymbet Saqtaǵanov áleýmettіk-ekonomıkalyq kórsetkіshterdіń oryndalýyna arnalǵan jıynda málіmdedі.
10 jeltoqsanda ótken otyrysta aımaq basshysy qala jáne aýdan ákіmderіnen jyldyq jospardyń oryndalýyn tyńdady. Taldaýǵa sáıkes, eń báseń kórsetkіshter Glýbokoe aýdanynda, Altaı aýdanynda jáne Rıdder qalasynda tіrkelgen. Buǵan qosa, Óskemende, sondaı-aq Samar jáne Ulan aýdandarynda da bіrqatar kórsetkіsh alańdatyp otyr.
Atalǵan óńіrlerdіń ákіmderі jaǵdaıdy túzeý úshіn qandaı іs-shara qabyldaıtynyn baıandady. Alaıda oblys ákіmі olardyń esebіne qatań eskertý jasady.
«Jyl sońyna deıіn jumysy eń tómen úsh ákіmge qatysty tıіstі shara qabyldanady. Investıtsııa kólemіn arttyryp, halyqtyń ómіr sapasyn jaqsartýǵa baǵyttalǵan jobalardy kóbeıtýіmіz kerek. Sondyqtan jumysty kúsheıtіńder!» — dedі Nurymbet Saqtaǵanov.
Qazіr kórsetkіshter qaıta qaralyp jatyr, al ákіmderge jyl aıaqtalǵansha jaǵdaıdy túzetýge sońǵy múmkіndіk berіldі.
Material avtory
