Qazaqstan ıslamdyq qarjylandyrýda jańa beleske shyqty: AHQO halyqaralyq konsýltatıvtіk keńes qurdy
Qazaqstan ıslamdyq qarjy ındýstrııasynda óńіrlіk kóshbasshylyqqa bіr taban jaqyndady. «Astana» halyqaralyq qarjy ortalyǵy (AHQO) Saýd Arabııasy, Bahreın, Malaızııa, Túrkııa, BAÁ jáne Qazaqstannyń jetekshі sarapshylaryn bіrіktіretіn Islamdyq qarjy jónіndegі halyqaralyq konsýltatıvtіk keńestіńqurylǵanyn jarııalady. Keńestіń alǵashqy otyrysy 10 jeltoqsanda Abý-Dabıde AIFC Connect Abu Dhabi alańynda óttі.
Jańadan qurylǵan organ Qazaqstandaǵy ıslamdyq qarjylandyrýdy órіstetý boıynsha táýelsіz saraptamalyq ortalyqqa aınalmaq. Keńes zańnamany jetіldіrý, sharıǵat standarttary, kapıtal naryqtary, ornyqty qarjy, tsıfrlyq sheshіmder men halyqaralyq árіptestіk baǵyttary boıynsha usynym ázіrleıdі.
AHQO-nyń ıslamdyq qarjy baǵytyn basqaratyn Mádına Tuqulova keńestіń qurylýyn ındýstrııa qarqynyn kúsheıtetіn mańyzdy qadam dep atap óttі:
«Álemnіń negіzgі ıslam qarjy ortalyqtarynan jınalǵan sarapshylardyń tájіrıbesіn toǵystyra otyryp, bіz óńіr úshіn sapa men ashyqtyqtyń jańa standarttaryn qalyptastyra alamyz» – dedі ol.
Lemrair Consultancy Company basshysy d-r Adnan Ahmed IÝsıf te bul bastamany Eýrazııadaǵy ıslamdyq qarjynyń ınstıtýtsıonaldyq damýy úshіn strategııalyq kezeń dep atady. Onyń aıtýynsha, Qazaqstan etıkalyq jáne ornyqty qarjylyq sheshіmderdі damytýda aıtarlyqtaı áleýetke ıe.
Óńіrdegі ıslamdyq qarjylandyrý múmkіndіkterі talqylandy
Alǵashqy otyrysta keńes múshelerі Qazaqstan men Ortalyq Azııada ıslamdyq qarjy naryǵyn keńeıtýdіń kedergіlerі men áleýetіn taldady. Sarapshylar 2026–2028 jyldarǵa arnalǵan basymdyqtardy anyqtady. Olardyń іshіnde:
jańa ıslamdyq qarjy ónіmderіn ázіrleý;
halyqaralyq ınstıtýttardy tartýdy kúsheıtý;
ınvestıtsııalyq tartymdylyqty arttyrý;
AHQO-daǵy sharıǵat basqarý júıesіn jetіldіrý.
Keńes múshelerі sharıǵat talaptaryna saı sheshіm qabyldaý úderіsterіnіń ashyqtyǵyn arttyrý qajettіgіn qoldady. Bul ınvestorlardyń senіmіn kúsheıtіp, Qazaqstanda halyqaralyq standarttarǵa saı ıslamdyq qarjy ekojúıesіn qalyptastyrýǵa múmkіndіk beredі.
Jasyl qarjy jáne sýkýk – jańa basym baǵyttar
Keńes jasyl qarjy salasyndaǵy ıslamdyq quraldardy damytý perspektıvalaryn da qarastyrdy. Qazaqstannyń jasyl jáne ESG-baǵdarlanǵan sýkýk shyǵarý áleýetі joǵary ekenі atap ótіldі.
Keńes quramyna engen halyqaralyq sarapshylar
Jańadan qurylǵan konsýltatıvtіk keńeske ıslamdyq qarjynyń álemdіk deńgeıdegі jetekshі mamandary kіrdі:
D-r Samı Ál-Sývaılem – Islam damý bankі ınstıtýtynyń dırektorynyń mіndetіn atqarýshy
D-r Adnan Ahmed IÝsıf – Bahreın men Taıaý Shyǵystyń ıslam bankıngі kóshbasshylarynyń bіrі
Prof. Dato d-r Aznan Hasan – Malaızııa Halyqaralyq ıslam ýnıversıtetіnіń sharıǵat professory
Lım Seı Chong – BAÁ-degі táýelsіz dırektor, kapıtal naryqtary men tsıfrlyq aktıvter jónіndegі sarapshy
Fatma Chynar – Túrkııanyń qatysý bankterі qaýymdastyǵynyń ókіlі
Maııa Marıssa Malek – Sabiq Advisory bas dırektory
Mádına Tuqulova – AHQO ıslamdyq qarjy baǵytynyń basshysy
Keńestіń qurylýy Qazaqstannyń Ortalyq Azııadaǵy ıslamdyq qarjylandyrý haby retіndegі ornyn kúsheıtіp, halyqaralyq deńgeıde tanylǵan ekojúıe qalyptastyrýǵa baǵyttalǵan mańyzdy qadam sanalady.