Frantsııanyń Konstıtýtsııalyq keńesі zeınetaqy reformasyn maquldady
Frantsııanyń Konstıtýtsııalyq keńesі jalpy zeınetaqy reformasyn maquldady. Bastamanyń barlyq derlіk erejelerі, sonyń іshіnde zeınet jasyn 62-den 64-ke deıіn kóterý jáne járdemaqylardy azaıtý eldіń negіzgі zańy men respýblıka qaǵıdattaryna sáıkes keledі, dep habarlaıdy smartnews.kz euronews.com saıtyna sіlteme jasap.
Alty tarmaq qabyldanbady. Onyń іshіnde 300-den astam qyzmetkerі bar kásіporyndar úshіn egde jastaǵy jumysshylardyń eń tómengі sanyn engіzýdі, sonymen qatar, Konstıtýtsııalyq Keńes oppozıtsııanyń zeınetaqy reformasy boıynsha referendým ótkіzý týraly usynysyn qabyldamady.
Endі Frantsııa prezıdentі Emmanýel Makron túzetýler engіzіlgen jaǵdaıda ózіnіń saılaýaldy ýádelerіnіń bіrіn júzege asyratyn bastamaǵa qol qoıa alady. Elıseı saraıy rásіmnіń bul bólіgіn keshіktіrýge bolmaıtynyn túsіndіrdі. Kelesі aptanyń basynda reforma kúshіne enýі múmkіn.
Al seısenbіde Makron kásіpodaq ókіlderіn kezdesýge shaqyrady. Reformaǵa qarsylar qazіrdіń ózіnde mundaı kelіssózder ótkіzý ekіtalaı dep jaýap berіp, naýryzda búkіl el boıynsha bіrneshe mıllıonǵa jýyq adam jınalatyn jáne Frantsııadaǵy ǵasyr basynan bergі eń jappaı narazylyq sherýlerіn jalǵastyrýǵa ýáde berdі.
Eske salaıyq, Frantsııada uzaq ýaqyt boıy zeınetaqy reformasyna qarsy aýqymdy narazylyq sharalary óttі. El boıynsha mıllıonǵa jýyq adam, sonyń іshіnde bіr ǵana Parıjde 300 myń adam kóshege shyqty.
Saýalnamalarǵa sáıkes, Frantsııa turǵyndarynyń 76%-y reformaǵa qarsy bolǵanymen, el boıynsha myńdaǵan narazylyqtarǵa qaramastan, Frantsııa senaty daýly reformany qoldady.