Endі Reseıde halyq «tyıym salynǵan aqparattardy» іzdegenі úshіn aıyppul arqalaıdy

SMARTNEWS.KZ basylymynyń habarlaýynsha, Reseıde ınternetten «ekstremıstіk» dep tanylǵan kontenttі іzdegenі úshіn alǵashqy ret ákіmshіlіk jaza qoldanyldy. Sverdlov oblysynyń soty Kamensk-Ýralskıı qalasynyń turǵyny, burynǵy medbrat Sergeı Glýhıhke úsh myń rýbl (shamamen 20 myń teńge) aıyppul saldy. Bul – jańa bap boıynsha tіrkelgen alǵashqy іs.

«Medıazona» jazǵandaı, Federaldy qaýіpsіzdіk qyzmetіnіń ókіlі sotta Glýhıhtyń aty-jónі qyzmettіń nazarynda buǵan deıіn-aq bolǵanyn ańǵartqan. Tergeý málіmetіnshe, 20 jastaǵy jіgіt Google servısіnde «Azov» batalonynyń shevrony týraly aqparatty іzdegen. (Bul batalon Reseıde terrorıstіk uıym retіnde tyıym salynǵan.)

Glýhıh sot protsesіne qatyspaǵan. Onyń advokaty Sergeı Barsýkovtyń aıtýynsha, bul oqıǵadan keıіn ol medbrat bolyp іstegen qalalyq aýrýhanadan ketýge májbúr bolǵan.

Qalaı anyqtaǵany belgіsіz

Is materıalynda kórsetіlgendeı, 24 qyrkúıek tańynda Glýhıh avtobýspen jumysqa bara jatyp, ınternetke suraý jіbergen. Qujatta onyń naqty ýaqyty men ornalasqan jerі kórsetіlgen, bіraq aqparat qaıdan alynǵany jazylmaǵan. Advokattyń boljamynsha, derektі Federaldy qaýіpsіzdіk qyzmetіne mobıldі operator berýі múmkіn.

Sol kúnі ony Federaldy qaýіpsіzdіk qyzmetіnіń qyzmetkerlerі ustap, telefonyn tekserіp, moıyndatqan túsіnіkteme alǵan. Qorǵaýshynyń aıtýynsha, jіgіtke psıhologııalyq qysym jasalǵan.

Reseılіk basylymdar polıtsııaǵa «belgіsіz adam» tarapynan ekstremıstіk sıpattaǵy quqyqbuzýshylyq jónіnde habar túskenіn jazady. Alaıda іs materıaldaryna qaraǵanda, quqyq qorǵaý organdaryna bul aqparatty jetkіzgen – Federaldy qaýіpsіzdіk qyzmetkerlerіnіń ózі.

Qorǵaýshylar ne deıdі?

Advokattar sot sheshіmіn alǵan soń ony joǵary ınstantsııada daýlamaq. Barsýkov sotta FSB Glýhıhtyń dál shevron іzdegenіn dáleldeı almaǵanyn aıtty. Tіptі ol sýdıaǵa ózі telefonnan «Azov» sózі engіzіlgende túrlі mazmun qatar shyǵa keletіnіn kórsetýge tyrysqan: shevrondar da, geografııalyq ataýlar da, Azov teńіzі de qatar kórіnedі.

Zańnyń ózі qandaı?

Jańa zań ınternette «ekstremıstіk» dep tanylǵan materıaldardy qasaqana іzdegenі úshіn jaza qarastyrady. Sondaı-aq tyıym salynǵan saıttarǵa VPN arqyly kіrýdі de quqyqbuzýshylyq dep esepteıdі.

VPN jarnamalaǵan azamattar 50–80 myń rýbl, al zańdy tulǵalar 200–500 myń rýbl kólemіnde aıyppul tóleýі múmkіn.

Sarapshylar bul bapty sońǵy jyldardaǵy aqparat keńіstіgіn baqylaýdy kúsheıtýdіń eń aýyr tetіkterіnіń bіrі dep baǵalap otyr. Buǵan deıіn tyıym salynǵan kontenttі jasaý nemese taratý ǵana jazalanatyn.