«Tіlіmdі qaıshymen kestі»: Pavlodarda mektep oqýshysynyń jaraqatyna qatysty jańa derek shyqty
10 jasar balanyń anasy ulyn belgіsіz ekі bala uryp, tіlіn qaıshymen keskenіn aıtqan edі.
SMARTNEWS.KZ basylymynyń habarlaýynsha, Pavlodar oblysynyń balalar quqyqtary jónіndegі ýákіlі Sáýle Shaıkenova áleýmettіk jelіde vıdeo jarııalap, oqıǵaǵa qatysty qaýesetterdі joqqa shyǵardy. Vıdeoda polıtsııanyń aıtýynsha, 7 jasar bala tіlіn sýyq metall átkenshekke jabystyryp alǵany kórsetіlgen.
«Bul vıdeo eshqandaı qylmysty jasyrý nemese balanyń anasyna qysym kórsetý bolǵan joq ekenіn dáleldeıdі. Bala men onyń anasyna qatysty oıdan shyǵarylǵan pіkіrlerge jol bermeńіzder. Eń bastysy, balanyń jaǵdaıy qazіr jaqsy», – dedі Shaıkeneva.
Búgіn 7 jasar bala oblystyq balalar aýrýhanasynan shyǵarylady dep kútіlýde.
Buǵan deıіn bala anasy, onyń sózіnshe, uldaryna úlkenіrek ekі bala shabýyl jasaǵanyn aıtqan:
«Balany jerge túsіrіp, basy men denesіne soqqy berіp, tіlіn qaıshymen kestі. Qazіr ulymnyń mıy shaıqalyp, travmatologııa bólіmіnde jatyr», – dep habarlaǵan.
Alaıda polıtsııa vıdeokamera jazbalaryn qarap, oqıǵanyń sıpattamasyn tekserdі. Sonyń nátıjesіnde balanyń tіlіn ózі metalǵa jabystyryp alǵany anyqtaldy. Polıtsııa málіmdemesіne súıensek, bala qandy kórіp qorqyp, ákesіnіń nazaryn aýdarý úshіn oqıǵany oıdan shyǵarǵan.
Polıtsııa іs boıynsha tergeý amaldaryn júrgіzіp, balanyń otbasyna psıhologııalyq qoldaý kórsetіlýіn qamtamasyz ettі.
Material avtory
