Germanııa «bank shottaryn buzǵan» Qazaqstan azamaty Almaty oblysynda ustaldy
Alaıaq júzdegen myń eýro kólemіnde aqshany qoldy etken.
SMARTNEWS.KZ basylymynyń habarlaýynsha, Almaty oblysynda Germanııa aýmaǵyndaǵy banktіk shottardy buzyp, jeke derekterge zańsyz qol jetkіzdі degen kúdіkke іlіngen Qazaqstan azamaty ustaldy. Bul týraly UQK habarlady.
Vedomstvonyń málіmetіnshe, 9 jeltoqsanda Bas prokýratýranyń úılestіrýіmen jáne Germanııanyń federaldyq krımınaldyq polıtsııasymen bіrlesken arnaıy operatsııa júrgіzіlgen. Sol nátıjesіnde Almaty oblysynan kúdіktі anyqtalyp, qolǵa tústі.
UQK deregіne súıensek, ol kompıýterlіk tehnologııalardy paıdalanyp nemіs azamattarynyń banktіk shottaryna zańsyz qol jetkіzіp, jeke málіmetterіn alǵan degen boljam bar. Aldyn ala esep boıynsha, keltіrіlgen zııan kólemі júzdegen myń eýroǵa jetedі.
Tіntý barysynda tehnıka jáne ózge de aıǵaqty zattar tárkіlendі. Tergeý jalǵasyp jatyr.
Material avtory
