Eýrokomıssııa tóraǵasy: Tramp, Eýropanyń sharýasyna aralaspa!

SMARTNEWS.KZ basylymynyń habarlaýynsha, Eýrokomıssııa tóraǵasy Ýrsýla fon der Lıaıen AQSh prezıdentі Donald Trampqa Eýropanyń іshkі saıasatyna aralasýdan tartynýdy talap ettі. Bul týraly ol Politico basylymyna bergen suhbatynda aıtty.

Fon der Lıaıennіń aıtýynsha, qandaı memleket bolmasyn, onyń bılіgіn kіm basqaratynyn tek sol eldіń azamattary sheshedі. Ol Eýropadaǵy saılaý protsesterіne syrttan yqpal etýge jol berіlmeıtіnіn qadap aıtty.

«Saılaýda sheshіm qabyldaıtyn – sol eldіń saılaýshylary. Bul olardyń egemen quqyǵy, ony qorǵaý qajet. Qalǵan eshkіmnіń aralasýǵa haqysy joq», dedі ol.

Suhbat barysynda redaktsııa ótken aptada jarııalanǵan AQSh-tyń ulttyq qaýіpsіzdіk strategııasyn eske saldy. Onda Eýropa aldaǵy jıyrma jylda «órkenıettіk quldyraý» qaýpіnde tur dep kórsetіlgen. Qujat EO-daǵy ýltraoń kúshterdі tejeýge baǵyttalǵan bastamalardy «saıası tsenzýra» dep atap, Eýropa elderіnіń іshіnen jańa qarsylyq ortasyn qalyptastyrý qajettіgіn jazady.

Fon der Lıaıen transatlantıkalyq serіktestіktіń mańyzyn joqqa shyǵarmaıtynyn aıtty. Bіraq Eýropa óz kúshіn, óz baǵytyn anyqtap, іshkі máselelerіn ózі sheshýі keregіn atap óttі.

«Bіz óz áleýetіmіzdі tanýymyz kerek. Bіrlіkke, óz qundylyqtarymyzǵa súıenýіmіz qajet. Sonda ǵana AQSh-pen qarym-qatynas ta ózgeredі, óıtkenі bіz ózіmіz ózgeremіz», dedі ol.

Sondaı-aq ol Eýroodaq sheteldіk yqpalǵa qarsy «Demokratııa qalqany» atty bastamany іlgerіletіp jatqanyn eske saldy. Bul bastama saılaý protsesterіn syrtqy aralasýdan qorǵaýǵa baǵyttalǵan.

Aıta keteıіk, buǵan deıіn Tramp Eýropa «qaýіptі baǵytqa ketіp barady» dep málіmdep, odaqty saq bolýǵa shaqyrǵan. Onyń sózі Ilon Masktyń áleýmettіk jelіsіne salynǵan aıyppul talqysymen tuspa-tus keldі. Al Mask buǵan deıіn EO-dy tіptі taratýdy usynǵan bolatyn.