Endі zeınetaqy qoryndaǵy qarajatpen plastıka operatsııa jasatýǵa bolmaıdy

SMARTNEWS.KZ basylymynyń habarlaýynsha, endі halyqtyń zeınetaqy jınaqtaryndaǵy «artyq qarajatty» plastıkalyq operatsııalarǵa qoldanýyna tyıym salyndy. Búgіnnen bastap «Otbasy bank» mundaı ótіnіmderdі qabyldaýdy toqtatty. Buǵan rekonstrýktıvtі jáne qalpyna keltіrý operatsııalaryna arnalǵan ótіnіshterdіń 130 esege sharyqtaýy sebep boldy.

Stomatologııa men oftalmologııa baǵyttary boıynsha ótіnіmder toqtaǵannan keıіn, qazaqstandyqtar jappaı jańa maqsat — plastıkalyq hırýrgııany tańdaýǵa kóshtі. Bul – operatsııadan keıіngі tyrtyqtardy nemese týa bіtken aqaýlardy túzetýge arnalǵan rásіmder.

Banktіń deregіnshe, buǵan deıіn aıyna orta eseppen 16 ótіnіsh qaralsa, qyrkúıekte olardyń sany 123-ke, qazanda — 1 844-ke, qarashada — 3 878-ge jetken. Al oftalmologııa ótіnіmderі toqtatylǵan jeltoqsannyń alǵashqy segіz kúnіnde ǵana plastıkalyq operatsııalarǵa arnal 2 093 ótіnіsh tústі. Bul — burynǵy aılyq kórsetkіshten 130 ese kóp. Jeltoqsandaǵy ótіnіshterdіń jalpy somasy 1,8 mlrd teńgenі qurady.

«Azamattardyń zeınetaqy qarajatyn maqsatty paıdalaný — bіzdіń mіndetіmіz. Plastıkalyq operatsııalarǵa qyzyǵýshylyqtyń kúrt ósýіnen keıіn qarajatty maqsatsyz shyǵarý qaýpіn kórdіk. Sol sebeptі osy baǵyttaǵy ótіnіm qabyldaý toqtatyldy. Zeınetaqy qoryndaǵy aqsha — bolashaq zeınetaqy. Azamattar ony tek naqty bekіtіlgen maqsattarǵa ǵana paıdalana alady. Al keıbіr deldaldar arqyly bul qarajatty júıeden «shyǵaryp alý» kóbeıіp kettі. Banktіń mіndetі — mundaı zańsyz aınalymǵa jol bermeý», — dedі «Otbasy bank» basqarma tóraıymy Lázzat Ibragımova.

enpf-otbasy.kz platformasy 2025 jyldyń 12 jeltoqsanyna deıіn plastıkalyq operatsııalarǵa arnalǵan ótіnіm qabyldaýdy tolyq toqtatady. Qazіrgі ýaqytta osy baǵyt boıynsha 6 294 ótіnіsh bar — barlyǵy belgіlengen tártіppen qaralady.

Sonymen bіrge azamattar zeınetaqy jınaqtaryn ómіrlіk mańyzy bar, qymbat árі qıyn qoljetetіn emdeý túrlerіne baǵyttaı alady. Atap aıtqanda:

sırek (orfandyq) aýrýlardy emdeý;

radıonýklıdtіk jáne radıoıodterapııa;

radıohırýrgııalyq emdeý;

protondyq terapııa.

Pensııalyq artyq qarajatty turǵyn úı jaǵdaıyn jaqsartýǵa paıdalaný quqyǵy da saqtalady: baspana satyp alý, ıpotekany óteý, «Otbasy bank» depozıtіn tolyqtyrý sııaqty maqsattar qoljetіmdі.

Buǵan deıіn Qazaqstanda zeınetaqy jınaqtaryn paıdalanýǵa arnalǵan jetkіlіktіlіk shegі kóterіletіnі habarlanǵan bolatyn.