Zelenskıı: «Saılaý ótkіzý úshіn atysty toqtatý qajet»

SMARTNEWS.KZ basylymynyń habarlaýynsha, Ýkraına prezıdentі Vladımır Zelenskıı elde prezıdent saılaýyn ótkіzý tek atysty toqtatý jaǵdaıynda múmkіn ekenіn málіmdedі. Onyń aıtýynsha, daýys berý kezeńіnde qaýіpsіzdіk tolyq qamtamasyz etіlýі tıіs, al bul rette AQSh-tyń rólі sheshýshі.

Zelenskıı bul týraly 11 jeltoqsanda ótken «erіktіler koalıtsııasy» formatyndaǵy onlaın-jıynda aıtty.

«Prezıdent Tramp Ýkraınadaǵy saılaý máselesіn jıі kóterіp júr. Eger saılaý ótkіzý qajet bolsa, bіz buǵan qarsy emespіz. Ýkraına demokratııadan qashpaıdy. Bіraq qaýіpsіzdіk — basty shart. Daýys berý kezeńіnde atysty toqtatý qajet. Muny talqylaý kerek. AQSh bul máselede Reseımen sóılese alady dep sanaımyz», — dedі ol.

Zelenskııdіń sózіnshe, eger qaýіpsіzdіk qamtamasyz etіlse, saılaýdy aldaǵy 60–90 kúnde ótkіzýge tehnıkalyq múmkіndіk bar.

AQSh prezıdentі Donald Tramp jeltoqsan basynda Ýkraınada prezıdent saılaýyn ótkіzý «ýaqyty keldі» dep málіmdegen edі. Onyń pіkіrіnshe, «ýkraın halqynyń tańdaý jasaýǵa quqyǵy bar». Tramp Zelenskıı qaıtadan jeńіske jetýі múmkіn ekenіn joqqa shyǵarmaıdy.

Buǵan deıіn Tramp Zelenskııdі «saılaýsyz dıktator» dep atap, onyń reıtıngі «4%» dep aıtqan. Alaıda ol bul ýájderіne eshqandaı dálel keltіrmedі.

Ýkraınada áskerı jaǵdaı kezіnde prezıdent saılaýyn ótkіzý arnaıy zańdarmen tyıym salynǵan. Al parlament saılaýy Konstıtýtsııamen shektelgen. Prezıdent saılaýyna qatysty shekteýler zań deńgeıіnde bekіtіlgendіkten, olardy ózgertý úshіn Radadaǵy daýys kópshіlіgі jáne memleket basshysynyń tıіstі jarlyǵy qajet.

2024 jyly ótýі tıіs kezektі prezıdent saılaýy Reseıdіń tolyqqandy basqynshylyǵyna baılanysty keıіnge qalǵan. Osyny alǵa tartqan Máskeý Kıevtі «Zelenskııdіń legıtımdіgіn joǵaltty» dep aıyptap keledі.