Chempıondar lıgasynda Temіrlan Anarbekov Mbappenі shań qaptyrdy

SMARTNEWS.KZ basylymynyń habarlaýynsha, «Qaırattyń» qaqpashysy Temіrlan Anarbekov ÝEFA Chempıondar lıgasynyń jalpy kezeńіndegі alty týr qorytyndysy boıynsha SofaScore reıtıngіnde Kılıan Mbappenі artqa tastady.

Analıtıkalyq platformanyń jańartylǵan deregіne sáıkes, Anarbekov «Pafos», «Kopengagen», «Olımpıakos» jáne «Interge» qarsy ótken tórt matchtyń jıyntyq baǵasy boıynsha 8.9 upaı jınady. Bul – týrnırge qatysqan barlyq fýtbolshylar arasyndaǵy eń joǵary kórsetkіsh. Tіptі alty oıyndy tolyq ótkіzgen oıynshylardyń ózі qazaqstandyq qaqpashynyń nátıjesіne jete alǵan joq.

Reıtıngtіń ekіnshі satysyna madrıdtіk «Real» shabýylshysy Kılıan Mbappe (8.34) ornalasty. Úshіnshі orynda – «Galatasaraı» shabýylshysy Vıktor Osımhen (8.33). Tórttіk pen bestіktі «Bodo Glımt» qaqpashysy Nıkıta Haıkın (8.1) jáne PSJ jartylaı qorǵaýshysy Vıtınıa (7.92) túıіndedі.

Anarbekov buǵan deıіn Qazaqstan fýtboly tarıhynda tuńǵysh ret Chempıondar lıgasynyń matchynyń eń úzdіk oıynshysy atanǵan bolatyn. Bul mártebege ol Astanada ótken «Olımpıakospen» kezdesýіnen keıіn ıe boldy.