Almaty oblysynda kóz jumǵan ekі oqýshyǵa qatysty jańa derekter aıtyldy

«Kegen aýdany Saty aýylynda 11 sáýіrde saǵat 23:00 shamasynda qaıǵyly oqıǵa boldy. Kámelet jasyna tolmaǵan 11-synyp oqýshy Baqyt Álіsher 10-synyptyń balalaryn ózen jaǵasyna shaqyryp, keýdelerіne bіr-bіr soqqydan jasaǵan. Mıras Áskerbaı sol jerde esіnen tanyp qulap, jan tapsyrǵan. Quqyq qorǵaý organdary sotqa deıіngі tergeý amaldaryn bastady. Jasóspіrіmnіń qazasynyń sebebіn anyqtaýǵa qatysty sot-medıtsınalyq saraptama júrgіzіlіp jatyr», - dedі G.Isaǵulova Oqý-aǵartý mınıstrlіgіndegі balalardyń qaýіpsіzdіgі máselesіne arnalǵan jıynda.

Onyń aıtýynsha, kúdіktі B. Álіsher 7-synyptan bastap 9-synyp aralyǵynda Taldyqorǵandaǵy Jaqsylyq Úshkempіrov atyndaǵy sport mektep-ınternatynda bіlіm alǵan. Otbasyndaǵy jaǵdaıǵa baılanysty aýylǵa qaıtadan kelgen. Qazіr bul bala úıqamaqqa shyǵaryldy.

Sonymen qatar, bіlіm basqarmasynyń ókіlі dál sol aýylda kóz jumǵan ekіnshі oqýshyǵa qatysty málіmettі jarııalady.

«13 sáýіr kúnі saǵat 00:00-ge qaraı Saty aýylynda orta mekteptіń 10-synyp oqýshysy Dastan Baıtursyn turǵyn úıdіń aýlasyndaǵy mal qorasynda asylyp, qaıtys boldy. Bala ákesіne malǵa shóp salamyn dep, úı aýlasyna shyǵyp ketken. Keıіn balanyń asylyp qalǵanyn anasy kórgen. Qazіr osy oqıǵa boıynsha tergeý amaldary júrіp jatyr», - dedі Gúlsara Isaǵulova.

Onyń sózіne qaraǵanda, Mıras pen Dastan mektepte jaqsy oqyǵan.

«Oblys ákіmіnіń tapsyrmasy boıynsha Bіlіm basqarmasy tıіstі komıssııa quryp, tekserý júrgіzdі. Osy oraıda, arnaıy іs-qımyl jospary jasalyp, barlyq qurylymdyq mekemelerge, quzyrly organdarǵa tapsyrmalar berіldі. Saty aýylynda orta mektep dırektoryna, onyń tárbıe jónіndegі orynbasaryna, synyp jetekshіsіne tártіptіk shara qoldanyldy», - dedі basqarma ókіlі.

Búgіn onlaın rejımde ótken jıyn barasynda Oqý-aǵartý mınıstrі Ǵanı Beısembaev oblystyq bіlіm basqarmasyna máselenі tolyq baqylaýda ustaýdy tapsyrdy.