«Qazatomprom» aktsııalaryna qatysty jarnamaǵa Muhtar Jákіshevtіń túrі qoldanylǵan: Polıtsııa eskertý jasady
Jákіshevtіń beınesі alaıaqtardyń qolynda.
SMARTNEWS.KZ basylymynyń habarlaýynsha, Astana qalalyq polıtsııa departamentі ınternet alaıaqtyq oqıǵalarynyń sany artqanyn habarlap, azamattarǵa resmı eskertý jasady. Sońǵy jaǵdaılardyń bіrіnde Qazaqstannyń belgіlі bıznesmenі jáne «Qazatomprom» kompanııasynyń burynǵy basshysy Muhtar Jákіshevtіń beınesі qoldanylǵan dıpfeık rolıkterі paıdalanylǵan.
Áleýmettіk jelіlerde, ásіrese YouTube-ta «Qazatomprom» aktsııalaryna tıіmdі ınvestıtsııa salýǵa shaqyratyn jalǵan vıdeorolıkter taraýda. Vıdeoda Jákіshevtіń beınesі men daýysy jasandy ıntellekt arqyly jasalyp, kórermenderge joǵary tabysqa kepіldіk beretіndeı etіp usynylady.
Polıtsııanyń habarlaýynsha, Muhtar Jákіshevtіń mundaı vıdeolarmen eshqandaı baılanysy joq. Bul – alaıaqtyq maqsatpen jasalǵan feık rolık.
Quqyq qorǵaýshylar mundaı shemalar halyqtyń tanymal tulǵalar men іrі ulttyq kompanııalarǵa senіmіn paıdalaný úshіn oılastyrylǵanyn atap óttі. Jákіshevtіń beınesіn jáne «Qazatomprom» brendіn qoldaný – jalǵan jarnamany zańdy árі senіmdі kórsetýge baǵyttalǵan áreket.
Polıtsııa departamentі eskertedі:
Mundaı vıdeolarǵa senýge bolmaıdy;
Aqsha aýdarmaý kerek;
Reklamalyq sіltemelerge ótpeı, jeke málіmetterdі bermeý qajet.
Qarjy qaýіpsіzdіgі – ár azamattyń óz baqylaýynda. Kez kelgen ınvestıtsııalyq usynysty tek resmı derekkózder men lıtsenzııalanǵan qarjy uıymdary arqyly tekserý kerek.
Material avtory
