"Ósіm kórsetkіshі 12,5%": Ortalyq Azııa elderі bіr-bіrіnіń ekonomıkasyna qarjy sala bastady
Tіkeleı sheteldіk ınvestıtsııalar ósіp, aımaqtyq ekonomıka bіrtutas bola túsýde.
SMARTNEWS.KZ basylymynyń habarlaýynsha, 2025 jyldyń bіrіnshі jartyjyldyǵy boıynsha Ortalyq Azııa elderі іshіndegі aımaqtyq tіkeleı sheteldіk ınvestıtsııalar (TShI) kólemі 1,3 mıllıard dollardy qurady. Bul kórsetkіsh ótken jylmen salystyrǵanda 12,5%-ǵa artyp, óńіr elderіnіń ekonomıkalyq baılanystarynyń nyǵaıýyn kórsetedі. Jaһandyq ınvestıtsııanyń tómendeýіne qaramastan, Ortalyq Azııa elderі bіr-bіrіne qarjy salýdy arttyrdy.
Qazaqstan men Ózbekstan aımaqtaǵy negіzgі ınvestorlar bolyp otyr. Qazaqstannyń qurylys kompanııalary ásіrese Ózbekstanda іske asyrylyp jatqan jobalarǵa úlken qarjy salýda. Qurylys sektory aımaqta eń kóp ınvestıtsııa tartqan sala boldy – shamamen 440 mıllıon dollar. Sonymen qatar, óńdeý ónerkásіbі de mańyzdy sektor retіnde qarastyrylady, oǵan shamamen 340 mıllıon dollar ınvestıtsııa salyndy.
Bul úrdіs Ortalyq Azııadaǵy ónerkásіptіk jáne ınfraqurylymdyq jobalarǵa degen qyzyǵýshylyqtyń artqanyn jáne elder arasyndaǵy ekonomıkalyq serіktestіktіń kúsheıgenіn baıqatady. Ortalyq Azııada ınvestıtsııa tartý qarqynynyń artqanyna qaramastan, Eýrazııa aımaǵyndaǵy jalpy TShI kólemі 48,4 mıllıard dollardy qurady.
Sonymen qatar, aımaqtaǵy ınvestıtsııa qurylymynda jeke kompanııalardyń úlesі aıtarlyqtaı artqan. 2016 jyldan bastap, jeke sektordyń salǵan ınvestıtsııalarynyń úlesі 63%-dan 72%-ǵa deıіn ósken. Memlekettіk qatysý qarjylandyrý kólemі bolsa, kerіsіnshe, azaıǵan.
Material avtory
