Shavkat Rahmonovtyń jubaıy qatysýymen bolǵan apatqa baılanysty sońǵy saraptama kútіlýde
IIM ókіlі: Sot jaqynda bastalady.
SMARTNEWS.KZ basylymynyń habarlaýynsha, Qazaqstan Respýblıkasynyń Ishkі іster mınıstrlіgі ókіlі Shavkat Rahmonovtyń jubaıynyń qatysýymen bolǵan jol apaty boıynsha іs jaqyn arada sotqa berіlýі múmkіn ekenіn jetkіzdі. Vıtse-mınıstr Sanjar Ádіlov málіmdegendeı, qazіr sońǵy sot saraptamasynyń qorytyndysyn kútіp otyr.
"Qazіrgі ýaqytta іsіmіz aıaqtalý satysynda. Bіz osy aptada sońǵy sot saraptamasyn alýymyz kerek. Odan keıіn kúdіktі tulǵanyń áreketіn quqyqtyq turǵyda baǵalap, prokýratýra arqyly sotqa joldaımyz", — dedі vıtse-mınıstr Sanjar Ádіlov Májіlіs kýlýarynda.
Eske salsaq, jol apaty bıylǵy jyldyń tamyz aıynda Almatyǵa barar jolda, Qaraǵandy men Almaty arasyndaǵy tasjolda oryn alǵan. Bul apatta Shavkat Rahmonovtyń jubaıy júrgіzýshі bolyp, kólіkte taǵy ekі qurbysy men balasy bolǵan.
Nátıjesіnde kólіk aýyp ketіp, ekі qurbysy qaıtys boldy, al Rahmonovtyń áıelі men uly aýrýhanaǵa jetkіzіldі.
Material avtory
