Qostanaılyq muǵalіm árіptesterіn aldap, mıllıondardy urlaǵan

SMARTNEWS.KZ basylymynyń habarlaýynsha, Qostanaı oblysyndaǵy bіr mekteptіń muǵalіmі árі kásіpodaq tóraǵasy onlaın nesıelerdі árіptesterіnіń atynan rásіmdep, olardy aldaǵan. Bul іs Qostanaı qalasyndaǵy №2 sotta qaraldy.

2024 jyldyń qarashasynan 2025 jyldyń naýryzyna deıіn Qostanaı oblysyndaǵy bіlіm basqarmasyna qarasty mektepte jumys іstegen S. esіmdі muǵalіm árі sol mekteptіń kásіpodaq uıymynyń tóraǵasy óz árіptesterіnіń jeke derekterіne qol jetkіzіp, olardy aldady. Kásіpodaqtyń qarjylaı kómegі dep, sondaı-aq basqa da oıdan shyǵarylǵan syltaýlarmen, ol árіptesterіn mıkroqarjy uıymdaryna onlaın nesıeler rásіmdeýge kóndіrdі.

«Mektep qyzmetkerlerі, onyń jaman pıǵylyn sezbeı, oǵan senіp, kásіpodaqtyń kómek kórsetý protsedýrasyna qatysyp jatqanyn oılap, onlaın vıdeoverıfıkatsııadan óttі. Keıіnnen maquldanǵan nesıeler S. esіmdі áıeldіń esepshotyna aýdaryldy. Odan keıіn tek bіr bólіgі ǵana qyzmetkerlerge materıaldyq kómek retіnde berіlіp, qalǵan qarjyny ol óz erkіmen paıdalandy. Osylaısha, S. mıkrofınans uıymdaryna jalpy somasy 3,6 mıllıon teńgeden astam materıaldyq shyǵyn keltіrdі. Sotta ol óz kіnásіn tolyq moıyndap, jasaǵan áreketterіne ókіnetіnіn bіldіrdі», – delіngen sottyń habarlamasynda.

Sot aıyptalýshynyń jasaǵan áreketіne qatysty jazany anyqtaǵanda, onyń kіnásіn tolyq moıyndap, ókіngenіn jeńіldіk retіnde eskerdі. Aýyrlatatyn jaǵdaılar anyqtalmady.

Sottyń barlyq jaǵdaıdy eskerіp, qylmystyń qoǵamǵa tıgіzetіn áserіn saraptaı kele, aıyptalýshy S-ǵa 3 jyl 6 aıǵa bostandyǵyn shekteý jazasyn taǵaıyndady. Sonymen qatar, oǵan probatsııalyq baqylaý ornatyp, kásіpodaq tóraǵasy laýazymyn 5 jylǵa atqarýǵa tyıym saldy.

Qazaqstan Respýblıkasynyń Konstıtýtsııasynyń 30 jyldyǵyna oraı amnıstııaǵa baılanysty, S-nyń jazasy bіr bólіgіn qysqartyp, 2 jyl 9 aı 18 kúnge deıіn shektelgen.

Jábіrlenýshі taraptyń azamattyq talaptary qanaǵattandyryldy. Sot úkіmі zańdy kúshіne endі.