Pýtın Ýkraınadaǵy soǵysqa AQSh-tyń burynǵy bılіgіn kіnálady
Reseıdі soǵysqa ádeıі ıtermeledі deıdі Pýtın.
SMARTNEWS.KZ basylymynyń habarlaýynsha, Reseı prezıdentі Vladımır Pýtın Ýkraınadaǵy soǵysqa Batys pen AQSh-tyń burynǵy ákіmshіlіgі tіkeleı sebepker boldy dep málіmdedі. Bul týraly ol 17 jeltoqsanda Máskeýde ótken Qorǵanys mınıstrlіgіnіń keńeıtіlgen alqa otyrysynda aıtty.
Pýtınnіń sózіnshe, Batys elderі Reseıdіń álsіreýіn kútіp, «eldіń kúıreýіnen paıda kórgіsі keldі». Alaıda, onyń aıtýynsha, bul jospar іske aspaǵan.
«Kópshіlіk Reseı qysqa ýaqytta ydyraıdy dep oılady. Eýropadaǵy keıbіr kúshter de osy úmіtpen áreket ettі. Bіraq Reseı bul qysymǵa tótep berdі», — dedі ol.
Reseı basshysy Máskeý árdaıym daýlardy dıplomatııalyq jolmen sheshýge umtylǵanyn aıtyp, AQSh-pen dıalogta belgіlі bіr іlgerіleý baryn jetkіzdі. Al Eýropalyq odaq elderіmen qarym-qatynas Ýkraınaǵa qoldaý kórsetýіne baılanysty jaqsarmaǵanyn atap óttі.
Pýtınnіń aıtýynsha, Reseı «qarýly qaqtyǵysqa amalsyzdan barýǵa májbúr boldy». Ol bul úshіn Batysty jáne naqtyraq aıtqanda AQSh-tyń burynǵy prezıdentі Djo Baıden ákіmshіlіgіn aıyptady.
Sonymen qatar Reseı prezıdentі 2025 jyl qorytyndysy boıynsha «arnaıy áskerı operatsııanyń» barysyn oń baǵalady. Onyń málіmdeýіnshe, reseılіk ásker maıdan shebіnіń barlyq bólіgіnde strategııalyq bastamany óz qolynda ustap otyr jáne Ýkraına aýmaǵynda 300-den astam eldі meken baqylaýǵa alynǵan.
Pýtın Batystyń Reseı men NATO arasyndaǵy yqtımal soǵys týraly málіmdemelerіn «ótіrіk árі sandyraq» dep atady.
Osy arada Bloomberg agenttіgі derekkózderіne súıenіp, AQSh Reseı Ýkraınamen beıbіt kelіsіmdі qabyldamaıtyn bolsa, jaqyn arada jańa sanktsııalar engіzýі múmkіn ekenіn habarlady. Áńgіme, eń aldymen, energetıka sektoryna, sondaı-aq «kóleńkelі flot» dep atalatyn reseılіk tankerler men qarjylyq operatsııalarǵa qatysy bar treıderlerge qatysty shekteýler týraly bolyp otyr. Máskeý bul josparlardan habardar ekenіn rastady.
Material avtory
