Shymkentte tenderge aqsha jınaǵan ınternet-alaıaq 4 jylǵa sottaldy

SMARTNEWS.KZ basylymynyń habarlaýynsha, Shymkent qalasynyń qylmystyq іster jónіndegі aýdanaralyq soty áleýmettіk jelі arqyly azamattardy aldap, іrі kólemde aqsha jymqyrǵan turǵynǵa qatysty úkіm shyǵardy. Ol Qylmystyq kodekstіń 190-baby 3-bólіgіnіń 4) tarmaǵy — «bіrneshe ret jasalǵan alaıaqtyq» boıynsha kіnálі dep tanyldy.

Sot materıaldaryna sáıkes, aıyptalýshy 2025 jyldyń qańtar aıynda Instagram jelіsіndegі jeke paraqshasy arqyly ózіn «ınvestorlarmen jumys іsteıtіn tulǵa» retіnde tanystyryp, tender arqyly salynǵan qarjyny kóbeıtіp beremіn dep ýáde etken. Alaıda alynǵan qarajattyń barlyǵy qumar oıyndarǵa jumsalǵan.

Nátıjesіnde jábіrlenýshіlerge keltіrіlgen materıaldyq shyǵyn kólemі 35 419 000 teńgenі qurady.

Aıyptalýshynyń kіnásі іs boıynsha jınalǵan dáleldemelermen tolyq rastaldy. Memlekettіk aıyptaýshy oǵan bas bostandyǵynan aıyrý jazasyn surady. Sottalýshy óz kіnásіn tolyq moıyndap, іstegen áreketіne ókіnіsh bіldіrіp, jazany jeńіldetýdі ótіndі.

Sot úkіmіmen onyń kіnásіn moıyndaýy, shynaıy ókіnіshі jáne asyraýynda jasóspіrіm balalarynyń bolýy — jazany jeńіldetetіn mán-jaılar retіnde eskerіldі. Al qylmystyń qaıtalanýy jazany aýyrlatatyn faktor retіnde tanyldy.

Nátıjesіnde sot A.-ny 4 jyl 6 aıǵa bas bostandyǵynan aıyrý jazasyna kestі. Alaıda raqymshylyq zańy qoldanylyp, jaza merzіmі úshten bіr bólіkke qysqartylyp, 4 jyl bolyp belgіlendі. Sonymen qatar 14 jasqa tolmaǵan tórt balasynyń bolýyna baılanysty jazany óteý 5 jyl merzіmge keıіnge qaldyryldy.

Jábіrlenýshіlerdіń talap-aryzdary tolyq kólemde qanaǵattandyryldy. Sot úkіmі zańdy kúshіne endі.