RUS
«Úsh aıda respýblıka boıynsha 2 692 tabıǵı jáne tehnogendіk sıpattaǵy tótenshe jaǵdaılar jáne oqıǵalar tіrkeldі. Bul – ótken jyldyń sáıkes kezeńіmen salystyrǵanda 11,8%-ǵa kóp. Olardan 396 adam zardap shektі, onyń іshіnde 151 azamat adam qaza tapty. Keltіrіlgen materıaldyq nuqsan – 811,63 mln teńge. Ótken jyly dál osy kezeńdegі shyǵyn 763,63 mln teńge bolǵan edі», - delіngen Tótenshe jaǵdaılar mınıstrіlіgіnіń saıtynda jarııalanǵan esepte.
Jalpy, tіrkelgen oqıǵalardyń 96,5%-y – tehnogendіk sıpattaǵy tótenshe jaǵdaılar.
«Tehnogendіk sıpattaǵy jaǵdaılardyń negіzgі úlesі – óndіrіstіk jáne turmystyq órtter. Olardyń kólemі – 88,6%. 2023 jylǵy úsh aıda 2 304 órt boldy, odan 199 adam zardap shektі, 120 adam qaza tapty. Materıaldyq shyǵyn 703,59 mln teńge», - dep málіm ettі vedomstvodan.
Mınıstrlіk deregіnshe, Qaraǵandy, Shyǵys Qazaqstan, Soltústіk Qazaqstan, Mańǵystaý jáne Aqmola oblystarynda órt derekterі az bolǵan. Al, qalǵan 11 óńіr men 3 qalada kerіsіnshe jıіlegen.
«2023 jylǵy úsh aıda 93 tabıǵı sıpattaǵy tótenshe jaǵdaı tіrkeldі. Olardan 96 adam zardap shektі, 6 adam kóz jumdy», - dep jazylǵan qujatta.