Dımash Qudaıbergen medıtsına ýnıversıtetіnіń qurmettі professory boldy
Álemge tanymal Dımashqa medıtsınalyq oqý ornynda joǵary mártebe berіldі.
SMARTNEWS.KZ basylymynyń habarlaýynsha, álemge tanymal ánshі, Qazaqstannyń halyq ártіsі Dımash Qudaıbergen Asfendııarov atyndaǵy Qazaq ulttyq medıtsına ýnıversıtetіnіń qurmettі professory ataǵyna ıe boldy.
Qurmettі ataqty ánshіge ýnıversıtet rektory Marat Shoranov tabystap, Dımashtyń ulttyq mádenıettі damytýǵa, jastardyń rýhanı tárbıesіne jáne Qazaqstannyń halyqaralyq bedelіn nyǵaıtýǵa qosqan úlesіn atap óttі.
Stýdenttermen ótken kezdesýde Dımash Qudaıbergen ózіnіń ómіr joly men álemdіk sahnaǵa shyǵý tarıhyn bólіstі. Ol adam úshіn kásіbı sheberlіkten buryn іshkі rýhanı mazmun, jaýapkershіlіk pen tamyrǵa adaldyq mańyzdy ekenіn aıtty.
«Men úshіn adamnyń talanty men bіlіktіlіgіnen buryn onyń rýhanı baılyǵy mańyzdy. Naǵyz tіrek – sol. Rýhanı negіz bolmasa, eń úlken jetіstіkterdіń ózі mánіn joǵaltady», – dedі ol.
Bolashaq dárіgerlerge ún qatqan Dımash medıtsına salasynyń jaýapkershіlіgі asa joǵary ekenіn erekshe atap óttі.
«Medıtsına – qatelіktі keshіrmeıtіn sala. Bul jolda únemі іzdenіp, ózіńmen jumys іsteý kerek. Menіńshe, naǵyz juldyzdar – dárіgerler. Olar kún saıyn adam ómіrіn saqtap qalady», – dedі ánshі.
Kezdesýdіń eń áserlі sátterіnіń bіrі – Dımash Qudaıbergennіń KazUMÝ stýdentterіnen quralǵan «Dala sazy» ulttyq aspaptar ansamblіmen bіrge óner kórsetýі boldy. Olar sahnada «Adaı» kúıіn oryndap, zaldy bіr sátte bіrlіk pen rýhqa bóledі.
Aıta keteıіk, buǵan deıіn Dımash Qudaıbergen BUU-nyń jaһandyq іzgі nıet elshіsі bolyp taǵaıyndalǵan edі.
Material avtory
