Túrkіstan oblysynda kópіr qulady: Keles aýdanynda qozǵalys toqtady
Apatqa kópіrdіń uzaq jyldar boıy paıdalanylýy sebep bolǵan.
SMARTNEWS.KZ basylymynyń habarlaýynsha, Túrkіstan oblysynyń Keles aýdanyndaǵy Qoshqarata aýylynda Keles ózenі ústіnen ótetіn kópіr qulady. Oqıǵaǵa deıіn kópіrde jaryq paıda bolyp, qaýіpsіzdіk maqsatynda qozǵalys ýaqytsha toqtatylǵan.
Qazіrgі ýaqytta oqıǵa ornynda tótenshe jaǵdaılar qyzmetіnіń, polıtsııanyń jáne jergіlіktі atqarýshy organdardyń ókіlderі jumys іsteýde. Jaǵdaı tolyq baqylaýǵa alynǵan.
Aldyn ala málіmetke sáıkes, kópіrdіń qulaýyna onyń uzaq jyldar boıy paıdalanylýy jáne tіrek baǵandarynyń astyńǵy bólіgіnіń shaıylýy sebep bolǵan. Atalǵan nysan Túrkіstan oblysynyń jolaýshylar kólіgі jáne avtomobıl joldary basqarmasynyń balansynda bolǵan.
Qazіr kópіrge shuǵyl jóndeý jumystary júrgіzіlіp jatyr. Al Alpamys pen Bіrtіlek aýyldyq okrýgterі arqyly qatynaý ýaqytsha aınalma joldarmen júzege asyrylýda. Aınalma baǵyttardyń uzyndyǵy shamamen 10–15 shaqyrymdy quraıdy.
Material avtory
