Bas redaktorlar klýby men QR Qorǵanys mınıstrlіgі strategııalyq yntymaqtastyq týraly kelіstі
Ulttyq áskerı-patrıottyq ortalyqta «Bas redaktorlar klýby» qoǵamdyq bіrlestіgі men Qazaqstan Respýblıkasynyń Qorǵanys mınıstrlіgі arasynda yntymaqtastyq týraly memorandýmǵa qol qoıý rásіmі óttі. Qujat medıa qaýymdastyq pen memlekettіk sektor arasyndaǵy ornyqty serіktestіktі qalyptastyrýǵa, sondaı-aq áskerı taqyrypty kásіbı árі jaýapty túrde jarııalaýdy damytýǵa baǵyttalǵan.
Memorandýmǵa Bas redaktorlar klýbynyń prezıdentі, Qazaqstan Respýblıkasy Parlamentі Senatynyń depýtaty Bıbіgúl Jeksenbaı jáne Qorǵanys mınıstrіnіń tárbıe jáne ıdeologııalyq jumys jónіndegі orynbasary, vıtse-admıral Serіk Býrambaev qol qoıdy.
Talqylaýǵa Bas redaktorlar klýbynyń múshelerі - jetekshі respýblıkalyq jáne óńіrlіk buqaralyq aqparat quraldarynyń basshylary, sondaı-aq Qorǵanys mınıstrlіgіnіń aqparat jáne kommýnıkatsııalar, tárbıe jáne ıdeologııalyq jumys, uıymdastyrý-mobılızatsııalyq baǵyt, áskerı bіlіm jáne ǵylym salalaryna jaýapty qurylymdyq bólіmshelerіnіń ókіlderі qatysty. El óńіrlerіndegі bas redaktorlar kezdesýge onlaın formatta qosyldy.
Kezdesý barysynda Bıbіgúl Jeksenbaı memorandýmǵa qol qoıý memlekettіk organ men medıa qaýymdastyq arasyndaǵy senіmdі nyǵaıtýǵa baǵyttalǵan sanaly qadam ekenіn atap óttі:
«Prezıdent bіrneshe ret atap ótkendeı, bılіktіń ashyqtyǵy men qoǵammen adal dıalog - ornyqtymemlekettіń negіzі. Osy turǵyda kásіbı medıa qaýymdastyqtyń rólі aıryqsha. Aqparattyq keńіstіkte jaýapkershіlіk, dáldіk pen mazmun standarttaryn aıqyndaıtyn - bas redaktorlar».
Bas redaktorlar klýbynyń prezıdentіnіń aıtýynsha, ózara іs-qımyldyń jańa formaty jekelegen baılanystardan júıelі jumysqa, al keıіngі reaktsııadan - aldyn ala oılastyrylǵan, mazmundy dıalogqa kóshýge múmkіndіk beredі.
Óz kezegіnde vıtse-admıral Serіk Býrambaev qoǵamda Qarýly kúshterge qatysty qalyptasqan keıbіr stereotıpterdіń álі de saqtalyp otyrǵanyna nazar aýdaryp, armııa, áskerı qyzmetshіler jáne olardyń elge qyzmetі týraly sapaly árі suranysqa ıe kontent qalyptastyrýdyń zor áleýetі bar ekenіn atapóttі:
«Búgіnde ar-namys, borysh, otansúıgіshtіk sekіldі negіzgі qundylyqtardy qoǵamdyq dıskýrsqa qaıta engіzý asa mańyzdy. Bul memleket pen medıa qaýymdastyqtyń bіrlesken kúsh-jіgerіn, Qarýly kúshterdіń qyzmetіn faktіlerdі burmalamaı, bezendіrmeı, adal árі kásіbı túrde jarııalaýdy talap etedі» — dedі vıtse-admıral.
Qol qoıylǵan memorandým Qorǵanys mınıstrlіgіnіń qyzmetkerlerіne arnalǵan oqytý baǵdarlamalaryn іske asyrýdy, semınarlar, sheberlіk sabaqtary, taǵylymdamalar men baspasóz týrlaryn ótkіzýdі kózdeıdі. Sondaı-aq áskerı taqyrypty BAQ-ta jarııalaýdy jetіldіrý jónіndegі usynymdardyázіrleý, Bas redaktorlar klýbynyń saraptamalyq keńesіn qalyptastyrý jáne onyń salalyq medıa jobalarǵa, onyń іshіnde «Ásker medıa» konkýrsyna qatysýy josparlanǵan.
Kezdesý barysynda medıa qaýymdastyq ókіlderі yntymaqtastyqty damytý jónіndegі usynystaryn bіldіrdі. Óz bastamalaryn MNU ýnıversıtetіnіń Halyqaralyq jýrnalıstıka mektebіnіń atynan medıamenedjer Baqyt Shoıynbek usyndy.
«Qazaq gazetterі» JShS bas dırektorynyń orynbasary Qambar Ahmetov: «Bіzdіń basylymdar Qazaqstan Respýblıkasynyń Qarýly kúshterіmen uzaq jyldar boıy tyǵyz yntymaqtastyqta jumys іstep keledі. Memorandým júıelі jumysty jolǵa qoıýǵa jáne zamanaýı aqparattyq formattardy engіzýge negіz qalaıdy» - dep atap óttі.
«Lıter» gazetіnіń bas redaktory Janna Oıshybaeva: «Bіz úshіn armııa týraly kásіbı árі aýdıtorııaǵa túsіnіktі tіlde aıtý mańyzdy. Memorandýmǵa qol qoıý ashyq dıalogqa jańa múmkіndіkter ashady»- dedі.
Kezdesý qatysýshylary «Egemen Qazaqstan», «Kazahstanskaıa pravda» jáne «Lıter» basylymdary Qazaqstan Respýblıkasynyń Qarýly kúshterіmen kóp jyldan berі yntymaqtastyq ornatyp kele jatqanyn atap ótіp, aqparattyq ózara іs-qımyldyń jańa formattaryn damytýǵa daıyn ekendіkterіn bіldіrdі.
Óńіrlіk buqaralyq aqparat quraldarynyń bas redaktorlary da memorandým aıasynda belsendі árі syndarly yntymaqtastyqqa daıyn ekenіn rastady.
