Depýtattyń synynan soń «Rýyń kіm?» fılmі kınoprokattan alyndy
Depýtat fılmdі halyqty rýǵa bólіnýge shaqyrady dep aıyptaǵan edі.
SMARTNEWS.KZ basylymynyń habarlaýynsha, Qazaqstanda «Rýyń kіm?» atty fılm barlyq kınoteatrlardan alynyp tastaldy. Bul sheshіm fılmnіń kórsetіlіmіn toqtatqan kompanııa Tiger Films tarapynan jarııalandy.
Kompanııa ózderіnіń bul qadamdy qoǵamdyq pіkіrtalas aıasynda erіktі túrde qabyldaǵandaryn aıtady. Sonymen qatar, Tiger Films stýdııasy fılmdі «pozıtıvtі jáne іzgі nıetpen» túsіrgenіn, satır men ıýmor arqyly avtorlar qoǵamdaǵy rýdan bólіnýdіń qate túsіnіk ekenіn kórsetýge tyrysqanyn atap óttі.
Prodıýserler fılmde zań buzýshylyqtyń bolmaǵanyn málіmdedі, bіraq qoǵamda qate túsіnіk týyndap, ahýaldyń ýshyǵyp ketýіnen qorqyp, prokatty toqtatý týraly sheshіm qabyldanǵanyn aıtty.
«Bіz árdaıym Qazaqstan halqynyń bіrlіgіn qoldadyq. Fılmnіń durys túsіnіlmeı qalmaýy úshіn barlyq kınoteatrlardan ony alyp tastaý týraly sheshіm qabyldandy», — delіngen Tiger Films kompanııasynyń málіmdemesіnde.
Bul jaǵdaıdan bіrneshe kún buryn Májіlіs depýtaty Erlan Saırov qoǵam arasynda ultaralyq jáne rýaralyq psıhologııanyń kúsheıіp bara jatqany týraly ótkіr pіkіr bіldіrgen bolatyn. Depýtat «Rýyń kіm?» fılmіn mysal retіnde keltіrіp, rýlar men júzder taqyrybynyń ulttyq bіrlіkke qaýіp tóndіretіnіn málіmdedі.
Depýtattyń aıtýynsha, fılmdі nasıhattaý kezіnde Qazaqstan kartasynyń úsh júzge bólіngen nusqasy qoldanylǵan. Bul ádіstі Saırov jaýapsyzdyq retіnde baǵalap, elіmіzdegі ıdeologııa men ulttyq bіrlіktі saqtaý úshіn arnaıy komıssııa qurýdy usyndy.
Material avtory
